Cwestiynau Llafar a gyflwynwyd ar 08/01/2025 i'w hateb ar 15/01/2025
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Ysgrifennydd y Cabinet dros yr Economi, Ynni a Chynllunio
Pa gamau y mae Llywodraeth Cymru yn eu cymryd i wella'r economi yn Nwyrain De Cymru?
Pa gysylltiad oedd gan Lywodraeth Cymru gyda'r National Electricity System Operator ynghylch sicrhau bod ei adroddiad Beyond 2030 yn adlewyrchu anghenion Cymru?
A wnaiff yr Ysgrifennydd Cabinet ddatganiad ar gyfraniad Llywodraeth Cymru at y Cyngor Dur a'r effaith y bydd yn ei chael ar economi Gorllewin De Cymru?
Pa asesiad y mae Llywodraeth Cymru wedi'i wneud o sut mae polisïau economaidd Llywodraeth y DU o fudd i economi Cymru?
A wnaiff yr Ysgrifennydd Cabinet ddatganiad am y potensial ar gyfer mwy o fuddsoddiad yn y gwyddorau bywyd yng Nghymru?
Sut mae Llywodraeth Cymru yn gweithio i sicrhau bod cymunedau yng Nghanolbarth a Gorllewin Cymru yn elwa o ynni adnewyddadwy ar y môr?
Sut y bydd Llywodraeth Cymru yn cefnogi trigolion y Rhondda i gael y sgiliau gwyrdd sydd eu hangen ar gyfer swyddi gwyrdd y dyfodol?
Pa asesiad y mae'r Ysgrifennydd Cabinet wedi'i wneud ynghylch a yw Llywodraeth Cymru yn darparu digon o arian ar gyfer diwylliant a'r celfyddydau?
Sut mae Llywodraeth Cymru yn sicrhau y gall oedolion gael mynediad at hyfforddiant a chymorth cyflogaeth priodol ac effeithiol?
A wnaiff yr Ysgrifennydd Cabinet roi'r wybodaeth ddiweddaraf am yr hyn y mae Llywodraeth Cymru yn ei wneud i ddenu twristiaid i Ogledd Cymru?
Pa asesiad y mae Llywodraeth Cymru wedi'i wneud o effaith y cynnydd mewn gwasanaethau dosbarthu cludfwyd yng Nghaerdydd?
Sut mae Llywodraeth Cymru yn sicrhau dyfodol lleoliadau cerddorol yng Nghanol De Cymru?
Ysgrifennydd y Cabinet dros Iechyd a Gofal Cymdeithasol
A wnaiff yr Ysgrifennydd Cabinet ddatganiad am ddarparu gwasanaethau meddyg teulu ym Mlaenau Gwent?
Sut mae Llywodraeth Cymru yn cefnogi Bwrdd Iechyd Addysgu Powys i sicrhau canlyniadau gwell i gleifion?
A wnaiff yr Ysgrifennydd Cabinet ddatganiad am gefnogaeth Llywodraeth Cymru i bobl awtistig?
Beth mae Llywodraeth Cymru yn ei wneud i gefnogi iechyd meddwl pobl ifanc?
Sut mae Llywodraeth Cymru yn cefnogi cydweithio rhwng byrddau iechyd ac awdurdodau lleol?
A wnaiff yr Ysgrifennydd Cabinet ddatganiad am ddarparu gwasanaethau strôc yng Nghanolbarth a Gorllewin Cymru?
Pa asesiad y mae Llywodraeth Cymru wedi'i wneud o effaith contractau newydd meddygon teulu ar ofal cleifion?
A wnaiff yr Ysgrifennydd Cabinet roi diweddariad am benderfyniad Bwrdd Iechyd Prifysgol Betsi Cadwaladr i anfon yr holl waith ymlediad aortig allan o ogledd Cymru, a beth yw'r cynllun tymor hir ar gyfer adfer gwasanaethau fasgiwlar llawn a diogel yn y gogledd?
A wnaiff yr Ysgrifennydd Cabinet ddatganiad am berfformiad y GIG yng Ngogledd Cymru?
Pa gamau mae Llywodraeth Cymru yn eu cymryd i ddefnyddio deallusrwydd artiffisial i gynorthwyo gyda chymryd nodiadau ar draws maes iechyd a gofal cymdeithasol?
Sut mae Llywodraeth Cymru yn cefnogi gwasanaethau strôc yn Nwyrain De Cymru?
A wnaiff yr Ysgrifennydd Cabinet roi'r wybodaeth ddiweddaraf am yr hyn y mae Llywodraeth Cymru yn ei wneud i godi ymwybyddiaeth o ganserau â chyfraddau goroesi is?