Cwestiynau Llafar a gyflwynwyd ar 27/10/2021 i'w hateb ar 03/11/2021
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Gweinidog yr Economi
Pa gynnydd y mae Llywodraeth Cymru wedi'i wneud o ran datblygu polisïau i greu swyddi cynaliadwy â chyflogau da mewn diwydiannau technoleg yn ne-ddwyrain Cymru?
Beth mae Llywodraeth Cymru yn ei wneud i hyrwyddo cyfleoedd cyflogaeth i bobl ifanc yng Nghanolbarth a Gorllewin Cymru?
Pa asesiad y mae'r Llywodraeth wedi'i wneud o gyfraniad llwythi a gludir gan drenau i economi Cymru?
Pa gamau y mae Llywodraeth Cymru'n eu cymryd i ddatblygu economi Gorllewin De Cymru?
Sut mae Llywodraeth Cymru yn cefnogi economi canolbarth Cymru i adfer yn dilyn y pandemig?
Beth mae'r Llywodraeth yn ei wneud i gefnogi'r economi werdd yn Nwyrain De Cymru?
Pa asesiad y mae Llywodraeth Cymru wedi'i wneud o'r effaith y bydd cyllideb Llywodraeth y DU yn ei chael ar ei rhaglen economaidd ym Mlaenau Gwent?
Pa drafodaethau y mae'r Gweinidog wedi'u cael gyda'r diwydiant adeiladu am y sgiliau y bydd eu hangen ar gyfer ei weithlu yn y dyfodol?
Beth mae Llywodraeth Cymru yn ei wneud i gefnogi'r sector hamdden egnïol yng Ngogledd Cymru?
Pa asesiad y mae Llywodraeth Cymru wedi'i wneud o'r effaith y bydd cyllideb ddiweddar Llywodraeth y DU yn ei chael ar economi Cymru?
Pa asesiad y mae'r Gweinidog wedi'i wneud o effaith cyllideb Llywodraeth y DU ar economi Cymru?
Pa gamau y mae Llywodraeth Cymru'n eu cymryd i wella lefelau cyflogaeth?
Y Gweinidog Iechyd a Gwasanaethau Cymdeithasol
Pa asesiad y mae Llywodraeth Cymru wedi'i wneud o gyfraddau COVID-19 yn Nwyrain De Cymru?
Pa gamau y bydd Llywodraeth Cymru'n eu cymryd i wella pa mor gyflym y caiff cleifion eu rhyddfau o'r ysbyty yn ardal Bwrdd Iechyd Prifysgol Cwm Taf Morgannwg?
Pa asesiad y mae'r Gweinidog wedi'i wneud o gyfraddau COVID-19?
Sut mae Llywodraeth Cymru yn cefnogi pobl sydd â chlefydau awto-imiwn?
A wnaiff Llywodraeth Cymru roi'r wybodaeth ddiweddaraf am gynlluniau i sicrhau bod gweithwyr gofal cymdeithasol yn cael y cyflog byw go iawn?
A wnaiff y Gweinidog ddatganiad am fynediad at ddeintyddion y GIG yng Ngorllewin Caerfyrddin a De Sir Benfro?
Pa asesiad y mae'r Gweinidog wedi'i wneud o argaeledd gofal iechyd yn Nwyrain De Cymru?
A wnaiff y Gweinidog ddatganiad am sgrinio am ganser y coluddyn yng Nghymru?
Sut mae Llywodraeth Cymru yn cyfleu'r canllawiau COVID-19 diweddaraf i gartrefi gofal?
Sut y bydd y £42 miliwn o gyllid ychwanegol a gyhoeddwyd yn ddiweddar gan Lywodraeth Cymru yn helpu lleoliadau gofal cymdeithasol yn Ne Clwyd?
A wnaiff y Gweinidog roi'r wybodaeth ddiweddaraf am frechu pobl ifanc 12 i 15 oed yn erbyn COVID-19?
A wnaiff y Gweinidog roi'r wybodaeth ddiweddaraf am gyflwyno presgripsiynu cymdeithasol yng Nghymru?