A wnaiff y Comisiwn ddarparu dadansoddiad llawn o'r arian sydd wedi'i wario hyd yma ar baratoadau ar gyfer Diwygio'r Senedd?
Hyd at ddiwedd mis Awst, mae'r Comisiwn wedi gwario'r canlynol ar baratoadau ar gyfer Diwygio'r Senedd:
| Pennawd y Gyllideb | Swm (£m |
| Costau staff | £0.871 |
| Costau'r prosiect (gwaith ystadau) | £3.810 |
| Costau eraill | £0.074 |
| Cyfanswm | £4.755 |
Mae costau'r prosiect yn cynnwys addasiadau i ddarparu ar gyfer 36 o swyddfeydd Aelodau ychwanegol yn Nhŷ Hywel hefyd, y gwaith i ddylunio ac ail-ffurfweddu'r brif Siambr ac ailgomisiynu Siambr Hywel fel siambr dros dro.
Mae holl waith y prosiect wedi bod drwy broses dendro gystadleuol i sicrhau'r gwerth gorau am arian.
Bu'n rhaid ail-ffurfweddu'r Siambr yn seiliedig ar adborth gan yr Aelodau mai '1 desg fesul Aelod' oedd y cynllun a ddymunir. Roedd hyn yn ei dro yn arwain at oblygiadau o ran hygyrchedd a darlledu.
Bydd mwyafrif helaeth yr offer sydd wedi’i brynu ar gyfer Siambr Hywel yn cael ei ddefnyddio mewn mannau eraill ar yr ystâd pan fydd yr Aelodau'n dychwelyd i'r brif Siambr. Y dull a gymerwyd tuag at Siambr Hywel oedd osgoi gwariant diwerth lle bo hynny'n bosibl ac mae WQ96524 yn rhoi rhagor o fanylion ar y mater hwnnw.
Y Llywydd ar ran Comisiwn y Senedd