Pa gynlluniau sydd gan Lywodraeth Cymru i wella’r seilwaith dŵr a charthffosiaeth, a faint o gyllideb sydd wedi’i neilltuo i weithredu’r cynlluniau hynny?
Yn y Cyfnod Rheoli Asedau hwn (2025–2030), mae Llywodraeth Cymru yn gweithio'n agos gyda'r ddau gwmni dŵr sy'n gweithredu yng Nghymru – Dŵr Cymru Welsh Water (DCWW) a Hafren Dyfrdwy – i gyflawni gwelliannau sylweddol i’r seilwaith dŵr a charthffosiaeth.
Mae Penderfyniadau Terfynol PR24 Ofwat yn nodi'r rhaglenni buddsoddi ar gyfer y ddau gwmni, gan gynnwys cynnydd sylweddol o'i gymharu â'r cyfnod blaenorol.
Mae'n ofynnol i'r ddau gwmni hefyd gyflwyno eu Cynlluniau Draenio a Rheoli Dŵr Gwastraff, a ddatblygwyd mewn cydweithrediad â Cyfoeth Naturiol Cymru ac sydd i'w gweld ar eu gwefannau priodol.
Mae'r rhaglen fuddsoddi hon yn gam sylweddol ymlaen, gan sicrhau bod seilwaith dŵr a charthffosiaeth Cymru yn fodern, yn wydn, ac yn gallu cefnogi anghenion cymunedau a'r amgylchedd ar gyfer cenedlaethau i ddod.