A yw pob awdurdod lleol bellach wedi cyflwyno cynllun ar gyfer cam 3 ehangiad Dechrau’n Deg i blant dyflwydd oed a beth yw statws pob cynllun?
Mae pob awdurdod lleol yng Nghymru bellach wedi dechrau gweithio ar Gam 3 y rhaglen i ehangu gofal plant o ansawdd uchel Dechrau'n Deg a ariennir gan Lywodraeth Cymru i blant 2 oed ledled Cymru.
Yn ddiweddar, cyhoeddais Ddatganiad Ysgrifenedig yn nodi cynnydd rhaglen ehangu Dechrau'n Deg.
Bydd y cynnydd y mae awdurdodau lleol yn ei wneud tuag at ddarparu gofal plant Dechrau'n Deg i bob plentyn 2 oed yn dibynnu ar nifer o ffactorau. Mae'r rhain yn cynnwys y cynlluniau ehangu y maent wedi'u datblygu, eu dyraniad cyllid, y nifer a gyrhaeddwyd hyd yma a'r nifer sy'n manteisio ar y gofal plant yng Nghamau 2 a 3. Bydd Llywodraeth Cymru yn monitro'r rhaglen ehangu'n agos wrth i Gam 3 barhau i fynd rhagddo.