A wnaiff yr Ysgrifennydd Cabinet esbonio pam nad oedd cyfeiriad at ffordd osgoi Llandeilo yn ei ddatganiad ysgrifenedig ar y rhwydwaith ffyrdd ar 17 Gorffennaf 2025?
Gwnaeth fy natganiad ysgrifenedig a gyhoeddwyd ar 17 Gorffennaf amlinellu’r camau allweddol sydd ar waith i sicrhau bod ein rhwydweithiau trafnidiaeth ar gael i bawb. Er fy mod wedi cyfeirio at rai mesurau cyffredinol sydd o fudd i bob teithiwr nid diben y datganiad hwnnw oedd mynd i’r afael â manylion penodol unrhyw gynlluniau neu raglenni unigol.
Ysgrifennais atoch cyn cyhoeddi fy natganiad ysgrifenedig ar 18 Mehefin i nodi fy mwriad i gyhoeddi bod Asiant Cyflogwr wedi’i gaffael ar gyfer y cynllun. Mewn ymateb i’ch Cwestiwn Llafar OQ62945 ar 2 Gorffennaf, nodais y gallai gwaith adeiladu cynllun Llandeilo ddechrau yn 2029, yn amodol ar gwblhau’r holl weithdrefnau statudol yn llwyddiannus. Gallai hyn gynnwys ymchwiliad lleol cyhoeddus.