Pa gynlluniau fydd yn cael eu sefydlu o dan adrannau 27 ac 28 o'r Bil Etholiadau a Chyrff Etholedig (Cymru) ynghylch annog amrywiaeth mewn gwleidyddiaeth etholedig, a pha gyllideb fydd ynghlwm â’r cynlluniau hyn?
Ymgynghorir a thrafodir â rhanddeiliaid cyn datblygu unrhyw gynlluniau i weithredu adrannau 27 ac 28 o Fil Etholiadau a Chyrff Etholedig (Cymru).
Gan fod yr adrannau hyn yn ymwneud â gwasanaethau i hybu amrywiaeth ymhlith personau sy’n ceisio swydd etholedig a chynlluniau cymorth ariannol i hybu amrywiaeth ymhlith personau sy’n ceisio swydd etholedig, yn y drefn honno, bydd yn hanfodol eu bod yn cael eu datblygu gyda chymorth pobl y bwriedir iddynt eu cefnogi.
Nid yw’r gyllideb wedi’i phennu eto gan fod proses y gyllideb yn mynd rhagddi o hyd.