Faint o leoedd gofal plant am ddim newydd i blant dyflwydd oed sydd wedi’u creu fesul cymuned neu ddarparwr yng Ngwynedd fel rhan o’r ehangiad Dechrau’n Deg hyd yma?
Rydym yn gwneud cynnydd gwych yn ymestyn cymhwystra gofal plant Dechrau’n Deg trwy gyflwyno gofal plant o ansawdd uchel i blant dyflwydd oed ledled Cymru.
Dechreuodd Cam 1 y rhaglen ehangu ym mis Medi 2022 ac mae wedi cael ei gwblhau, ar ôl cyflwyno pob un o bedair elfen y rhaglen i 3,178 o blant ychwanegol sy’n 0-4 oed. Roedd hyn yn cynnwys 772 o blant ychwanegol ar draws Cymru sydd wedi cael cynnig lle gofal plant Dechrau’n Deg. Roedd 16 o’r cynigion hyn am leoedd gofal plant ychwanegol yn ystod Cam 1 wedi cael eu gwneud yng Ngwynedd.
Dechreuodd Cam 2 y gwaith ehangu ym mis Mawrth 2023. Mae data dangosol a ddarparwyd gan awdurdodau lleol yn awgrymu bod 6,907 o blant ychwanegol ar draws Cymru wedi cael cynnig gofal plant Dechrau’n Deg fel rhan o Gam 2 y gwaith ehangu yn 2023-24. Gwnaed 89 o’r cynigion am leoedd gofal plant ychwanegol yn ystod Cam 2 yng Ngwynedd yn 2023-24.