Ymhellach i WQ93403, beth yw'r rhesymeg sy'n sail i'r polisi o atal myfyrwyr rhyngwladol rhag gwneud cais?
Mae'r nifer cychwynnol sy’n cael eu derbyn i Ysgol Feddygaeth y Gogledd yn seiliedig ar gynnydd graddol mewn niferoedd, nes bydd yr Ysgol yn cyrraedd ei chapasiti llawn ym mlwyddyn academaidd 2029/30.
Ym mis Medi 2021, fe wnaethom ni gytuno i sefydlu Ysgol Feddygol annibynnol yn y Gogledd, gyda'r nod o:
• gynyddu nifer y graddedigion meddygol lleol
• ehangu mynediad i yrfa feddygol i bob cymuned
• gwella gofal i siaradwyr Cymraeg drwy sicrhau bod mwy o siaradwyr Cymraeg yn graddio mewn meddygaeth.
Byddai derbyn myfyrwyr meddygol rhyngwladol yn lleihau gallu'r Ysgol i gyflawni'r nodau hyn a byddai unrhyw fyfyrwyr rhyngwladol yn cymryd rhai o’r lleoedd sy’n cael eu hariannu, yn hytrach nag yn ychwanegu rhai newydd.
Eleni roedd 19,130 o ymgeiswyr o'r DU ar gyfer Meddygaeth, a dim ond 700 (3.6%) ohonynt yn hanu o Gymru.
Gallai’r Ysgol ddewis caniatáu i fyfyrwyr rhyngwladol wneud cais yn y dyfodol, unwaith y bydd y rhaglen wedi’i sefydlu.