A gafodd negeseuon WhatsApp eu dileu o ffonau symudol unrhyw Weinidogion yn Llywodraeth Cymru yn ystod gwaith cynnal a chadw gan dimau cymorth technegol y Senedd, ac os felly, a fydd y Comisiwn yn nodi'r Gweinidogion y mae hyn wedi effeithio arnynt?
Y Llywydd ar ran Comisiwn y Senedd:
Mae Comisiwn y Senedd yn darparu ffonau iPhone i'r Aelodau, yn ogystal â darparu mynediad a chefnogaeth i raglenni Microsoft 365.
Ym mis Ebrill 2022, cafodd ein diogelwch ar ffonau Aelodau eu huwchraddio. Roedd y diweddariad dan sylw yn gofyn i'r Aelodau gofnodi eu dull adnabod ar Apple yn gyntaf ac yna drosglwyddo'r ffôn i staff yn y Gwasanaeth TGCh. Yna cafodd y ffonau eu 'glanhau' a'r gwaith adeiladu diogelwch newydd ei osod.
Cyn yr uwchraddio, cysylltwyd â'r Aelodau a'u swyddfeydd a chawsant gyngor ynghylch sut i storio unrhyw ddata wrth gefn ar y ffôn gan gynnwys cymwysiadau na chânt eu cynnal. Cynigiwyd cymorth i'r aelodau i wneud hyn hefyd, os oedd angen.
Nid wyf yn bwriadu gwneud sylwadau ar fanylion y gwasanaethau a gynigir i Aelodau unigol.