Faint o gyllid a dderbyniodd Cyfoeth Naturiol Cymru ar gyfer lliniaru llifogydd yn 2016-17, 2017-18, 2018-19, 2019-20, 2020-21 a 2021-22 a faint a wariwyd ganddo bob blwyddyn ar hyn?
Nodir dyraniadau dechrau'r flwyddyn a thynnu i lawr ar ddiwedd y flwyddyn gan Cyfoeth Naturiol Cymru (CNC) ar gyfer rheoli perygl llifogydd isod:
|
Blwyddyn Ariannol |
Dyraniad ar ddechrau’r flwyddyn |
Cyfanswm y gwariant blynyddol (Tynnu i lawr) |
|||
|
|
Cyfalaf |
Refeniw |
CYFANSWM |
Cyfalaf |
Refeniw |
|
2016-17 |
£9.5m |
£18.5m |
£28m |
£13.4m |
£20.61m |
|
2017-18 |
£16.3m |
£18.25m |
£34.55m |
£19.53m |
£18.68m |
|
2018-19 |
£20.1m |
£19.75m |
£39.85m |
£17.34m |
£21.9m |
|
2019-20 |
£12.7m |
£19.75m |
£32.45m |
£5.74m |
£19.8m |
|
2020-21 |
£9.23m |
£21m |
£30.23m |
£12.93m |
£21m |
|
2021-22 |
£17.21m |
£21m |
£38.21m |
|
|
Mae dyraniadau cyfalaf i CNC yn seiliedig ar ei raglen flynyddol sy'n amrywio o flwyddyn i flwyddyn gan ddibynnu ar nifer y cynlluniau mawr sy'n cael eu dwyn ymlaen, y mae llawer ohonynt yn cael eu darparu dros nifer o flynyddoedd. Mae rhaglen llifogydd cyfalaf Llywodraeth Cymru yn cynnwys cynlluniau a gyflwynir gan CNC ac Awdurdodau Lleol sy'n cael eu hasesu yn erbyn ffactorau gwahanol i gynhyrchu rhaglen flynyddol wedi'i blaenoriaethu. Mae cynigion y cynlluniau yn cael eu blaenoriaethu yn ôl y dystiolaeth ddiweddaraf o ran y risg i gymunedau, llifogydd blaenorol, gwerth am arian yn ogystal â nifer yr eiddo sy'n elwa o'r cynllun arfaethedig. O ganlyniad, mae rhywfaint o amrywiadau o flwyddyn i flwyddyn mewn dyraniadau cyfalaf blynyddol i CNC ac Awdurdodau Lleol.