Cynulliad Cenedlaethol Cymru

Mae'r Senedd hon:

1. Yn llongyfarch tîm pêl-droed cenedlaethol menywod Cymru ar gyrraedd rownd derfynol y gemau ail gyfle am y tro cyntaf yng Nghystadleuaeth Ewros Menywod UEFA 2025 yn erbyn Gweriniaeth Iwerddon.

2. Yn cydnabod y datblygiadau a wnaed gan Gymdeithas Bêl-droed Cymru i godi safonau chwarae, gwella amodau chwarae, ac i sicrhau cyflog cyfartal i'r tîm.

3. Yn galw ar Gymdeithas Bêl-droed Cymru i ymddiheuro am dynnu tîm pêl-droed cenedlaethol menywod Cymru yn ôl rhag chwarae gemau rhagbrofol ar gyfer Cystadleuaeth Ewros Menywod UEFA 2005; diddymu'r tîm rhwng mis Mawrth 2004 a mis Mawrth 2006, a'r effaith ddilynol ar ddatblygu pêl-droed menywod yng Nghymru.