Cynulliad Cenedlaethol Cymru

Mae'r Senedd hon:

1. Yn nodi bod Wythnos Hosbisau Plant yn cael ei chynnal yr wythnos hon;

2. Yn cymeradwyo gwaith hanfodol Tŷ Hafan a Thŷ Gobaith i ddarparu gofal lliniarol i blant sydd â salwch terfynol yng Nghymru, a chymorth emosiynol a seibiant i'w teuluoedd;

3. Yn nodi bod hosbisau yng Nghymru yn cael 5 y cant o'u cyllid gan Lywodraeth Cymru ar hyn o bryd, tra bod y llywodraeth yn ariannu 21 y cant o gostau hosbisau yn Lloegr, 25 y cant yng Ngogledd Iwerddon a 50 y cant yn yr Alban.

4. Yn galw ar Lywodraeth Cymru i gynnal adolygiad o'r fformiwla ariannu er mwyn sicrhau bod hosbisau yng Nghymru yn cael eu hariannu'n briodol.