Cynulliad Cenedlaethol Cymru

Mae'r Senedd hon:

1. Yn nodi bod siopau betio wedi cael caniatâd i ailagor yng Nghymru er nad ydynt yn wasanaethau manwerthu nac yn rhai hanfodol.

2. Yn cydnabod yr her o gynnal ymbellhau cymdeithasol oherwydd yr arfer o "aros" am amser hir gan gwsmeriaid i wylio'r setiau teledu a defnyddio peiriannau hapchwarae.

3. Yn nodi nad oes canllawiau wedi'u cyhoeddi i hyrwyddo gweithredu siopau betio'n ddiogel yng Nghymru.

4. Yn galw ar Lywodraeth Cymru i:

a) adolygu ar frys a ddylai siopau betio aros ar agor; a

b) cyhoeddi canllawiau brys i gyfyngu ar y defnydd o setiau teledu a pheiriannau betio ods sefydlog yn ystod y pandemig.