Cynulliad Cenedlaethol Cymru

Mae'r Cynulliad hwn:

Yn cydnabod pa mor bwysig ydyw i bobl Cymru gael eu hysbysu'n iawn am benderfyniadau a gaiff eu gwneud gan y Cynulliad a Llywodraeth Cymru;

Yn gresynu at benderfyniad y Daily Post i ddileu swydd eu cynrychiolydd yn y Senedd;

Yn rhannu pryderon Undeb Cenedlaethol y Newyddiadurwyr bod y cam hwn yn cadarnhau y gall Grŵp Trinity Mirror fod yn symud oddi wrth newyddiadura sy'n herio'r pwerus yn lleol a dwyn cyrff cyhoeddus i gyfrif; ac

Yn galw ar Lywodraeth Cymru i wneud sylwadau cadarn i olygydd y Daily Post a phrif weithredwr Trinity Mirror gyda'r bwriad o wyrdroi'r penderfyniad.