Cwestiynau Llafar a gyflwynwyd ar 20/11/2024 i'w hateb ar 27/11/2024
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Ysgrifennydd y Cabinet dros yr Economi, Ynni a Chynllunio
Beth mae Llywodraeth Cymru yn ei wneud i hyrwyddo Dydd Sadwrn Busnesau Bach yn Sir Drefaldwyn?
Pa asesiad y mae'r Ysgrifennydd Cabinet wedi'i wneud o'r effaith y mae'r cynnydd mewn cyfraniadau yswiriant gwladol cyflogwyr wedi'i chael ar fentrau cymdeithasol?
Beth mae Llywodraeth Cymru yn ei wneud i gefnogi'r diwydiant twristiaeth ym Mhreseli Sir Benfro?
A wnaiff yr Ysgrifennydd Cabinet roi'r wybodaeth ddiweddaraf am waith y Llywodraeth yn ymwneud ag wythnos waith pedwar diwrnod?
A wnaiff yr Ysgrifennydd Cabinet roi'r wybodaeth ddiweddaraf am gynnydd prosiectau ynni adnewyddadwy ar raddfa fawr yng Ngogledd Cymru?
Sut mae Llywodraeth Cymru yn cefnogi'r sector gwyddorau bywyd yng Ngorllewin De Cymru?
Beth yw asesiad Llywodraeth Cymru o'r effaith fydd ymestyn rhaglen waith atgyweirio Pont y Borth yn ei gael ar fusnesau Ynys Môn?
Sut y bydd Llywodraeth Cymru yn defnyddio Banc Datblygu Cymru i annog twf a buddsoddiad mewn diwydiannau creadigol, yn enwedig y rhai sy'n gweithredu yn ôl amserlenni hirach ar gyfer eu prosiectau?
Beth mae Llywodraeth Cymru yn ei wneud i gefnogi gweithwyr manwerthu y Nadolig hwn?
Pa waith dadansoddi y mae Llywodraeth Cymru wedi'i wneud ynglŷn ag effaith economaidd ymadawiad y DU â'r UE ar Gymru?
Pa gymorth y mae Llywodraeth Cymru yn ei ddarparu i fusnesau yng Ngogledd Cymru?
Sut fydd Llywodraeth Cymru yn creu swyddi gwyrdd yn y Rhondda?
Ysgrifennydd y Cabinet dros Iechyd a Gofal Cymdeithasol
A wnaiff yr Ysgrifennydd Cabinet ddatganiad am y ganolfan driniaeth ranbarthol arfaethedig yn Llantrisant?
Pa gamau y mae Llywodraeth Cymru yn eu cymryd i gynyddu mynediad i byllau hydrotherapi?
Sut mae Llywodraeth Cymru yn cefnogi'r sector gofal cymdeithasol?
Sut mae Llywodraeth Cymru yn gwella hygyrchedd i wasanaethau iechyd ar draws gofal sylfaenol ac eilaidd i drigolion Rhondda?
A wnaiff yr Ysgrifennydd Cabinet roi diweddariad ar y cynlluniau i ddatblygu canolfan iechyd a lles integredig yng Nghaergybi?
A wnaiff yr Ysgrifennydd Cabinet gadarnhau faint o'r £50 miliwn o gyllid i gefnogi byrddau iechyd, y cyfeiriwyd ato yn ei ddatganiad ar 17 Tachwedd 2024, y mae Bwrdd Iechyd Addysgu Powys wedi'i gael?
Pa gamau y mae Llywodraeth Cymru yn eu cymryd i wella ymwybyddiaeth a dealltwriaeth o niwrowahaniaeth o fewn byrddau iechyd?
A wnaiff yr Ysgrifennydd Cabinet ddarparu diweddariad ynglŷn â datblygu'r cynllun iechyd menywod GIG Cymru arfaethedig?
A wnaiff yr Ysgrifennydd Cabinet roi'r wybodaeth ddiweddaraf am fynediad at wasanaethau meddyg teulu yn Nelyn?
A wnaiff yr Ysgrifennydd Cabinet ddatganiad am nifer y cleifion sy'n aros dwy flynedd neu fwy am driniaeth yn GIG Cymru?
A wnaiff yr Ysgrifennydd Cabinet roi'r wybodaeth ddiweddaraf am amseroedd ymateb ambiwlansys?
Pa asesiad y mae'r Ysgrifennydd Cabinet wedi'i wneud o nifer y cleifion mewn adrannau brys sy'n aros neu'n cael eu trin mewn cadeiriau am dros 24 awr?