Cwestiynau Llafar a gyflwynwyd ar 19/03/2026 i'w hateb ar 24/03/2026
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Prif Weinidog
A wnaiff y Prif Weinidog ddatganiad ar sut y bydd argymhellion adolygiad Fingleton o reoleiddio datblygu niwclear yn cael eu hystyried a'u bwrw ymlaen yng Nghymru?
A wnaiff y Prif Weinidog ddatganiad ar rôl addysg uwch wrth dyfu economi Cymru?
Pa asesiad y mae'r Prif Weinidog wedi'i wneud o ba mor dda mae'r setliad datganoli presennol yn gweithio i Gymru?
Pa drafodaethau y mae Llywodraeth Cymru wedi'u cael gyda Llywodraeth y DU ynglŷn â chynnydd rhaglen cerbydau arfog Ajax i sicrhau dyfodol swyddi hyfedr yn Islwyn?
A wnaiff y Prif Weinidog ddatganiad am gynlluniau Bwrdd Iechyd Prifysgol Hywel Dda i gael gwared ar wasanaethau o ysbytai yng ngorllewin Cymru?
Pa gynnydd mae Llywodraeth Cymru wedi'i wneud gyda Llywodraeth y DU o ran sicrhau cyfiawnder i gyn-weithwyr Allied Steel and Wire sydd dal i wynebu anghyfiawnder pensiwn?
Sut mae'r Llywodraeth yn hyrwyddo cydlyniant cymunedol yn Nwyrain De Cymru?
Pa asesiad y mae Llywodraeth Cymru wedi'i wneud o nifer y marwolaethau diangen sy'n gysylltiedig ag amseroedd aros hir mewn adrannau damweiniau ac achosion brys?
A wnaiff y Prif Weinidog ddatganiad ar y pwysau ariannol sy'n wynebu gwasanaethau gofal cymdeithasol?
Pa gamau y mae Llywodraeth Cymru yn eu cymryd i sicrhau bod cymunedau ledled Cymru yn cael eu trin yn gyfartal ac yn deg?
Beth y mae Llywodraeth Cymru yn ei wneud i wella iechyd a llesiant ar draws Gorllewin Caerfyrddin a De Sir Benfro?
Sut y mae Llywodraeth Cymru wedi gwella mynediad at wasanaethau iechyd yn Sir Drefaldwyn?