Cwestiynau Llafar a gyflwynwyd ar 16/03/2022 i'w hateb ar 23/03/2022
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Gweinidog yr Economi
Beth mae Llywodraeth Cymru yn ei wneud i helpu i wella cyfleoedd cyflogaeth i bobl anabl?
Pa drafodaethau y mae'r Gweinidog wedi'u cael gyda phrifddinas-ranbarth Caerdydd ynghylch prynu gorsaf bŵer Aberddawan?
Sut mae Llywodraeth Cymru yn cefnogi datblygu economaidd yn ardal Mersi a'r Dyfrdwy?
A wnaiff y Gweinidog ddatganiad am gynllun Llywodraeth Cymru ar gyfer cyflogadwyedd a sgiliau?
Pa gamau y mae Llywodraeth Cymru'n eu cymryd i gefnogi'r sector twristiaeth?
Pa drafodaethau y mae'r Gweinidog wedi'u cael gyda'r Gweinidog Iechyd a Gwasanaethau Cymdeithasol ynghylch annog busnesau i flaenoriaethu iechyd a lles yn y gweithle?
Pa asesiad y mae Llywodraeth Cymru wedi'i wneud o effeithiau COVID ar fusnesau canol trefi yng Ngorllewin De Cymru?
Pa flaenoriaeth y mae Llywodraeth Cymru yn ei rhoi i wella ansawdd bywyd pobl wrth ddatblygu mentrau economaidd?
Sut mae Llywodraeth Cymru yn cefnogi adferiad busnesau canol trefi yn Sir Gaerfyrddin?
Pa drafodaethau y mae'r Gweinidog wedi'u cael gyda phartneriaid i sicrhau nad yw Cymru ar ei cholled yn economaidd oherwydd cronfa codi'r gwastad?
A wnaiff y Gweinidog ddatganiad am ddyfodol prentisiaethau gradd?
Pa gamau y mae Llywodraeth Cymru'n eu cymryd i gefnogi mentrau bach a chanolig yn Nwyrain De Cymru?
Y Gweinidog Iechyd a Gwasanaethau Cymdeithasol
Beth mae Llywodraeth Cymru yn ei wneud i fynd i'r afael â rhestrau aros iechyd meddwl yng Nghymru?
A wnaiff y Gweinidog ddatganiad am amseroedd aros mewn adrannau damweiniau ac achosion brys yn Nwyrain Caerfyrddin a Dinefwr?
Sut mae Llywodraeth Cymru yn cefnogi cleifion canser i gael y driniaeth gywir?
Sut mae Llywodraeth Cymru yn bwriadu gwella darpariaeth ddeintyddol y GIG yng Nghasnewydd?
Beth yw'r egwyddorion y mae Llywodraeth Cymru yn disgwyl i Bwyllgor Gwasanaethau Iechyd Arbenigol Cymru eu dilyn wrth wneud penderfyniadau ynghylch a ddylid darparu triniaeth ar gyfer canserau prin?
A wnaiff y Gweinidog roi'r wybodaeth ddiweddaraf am Ysbyty Cymunedol Gogledd Sir Ddinbych?
Beth mae Llywodraeth Cymru'n ei wneud i helpu trigolion Alun a Glannau Dyfrdwy i gael mynediad at ddeintydd GIG?
A wnaiff y Gweinidog roi'r wybodaeth ddiweddaraf am wasanaethau iechyd meddwl yng Ngorllewin De Cymru?
Pa gamau y mae Llywodraeth Cymru yn eu cymryd i gefnogi gofalwyr di-dâl yng Ngogledd Cymru?
Pa gymorth y mae Llywodraeth Cymru'n ei ddarparu ar gyfer mynediad at ddeintyddion yn dilyn y pandemig?
Pa asesiad y mae Llywodraeth Cymru wedi'i wneud o nifer y marwolaethau ychwanegol ar ddechrau'r pandemig ymhlith pobl sy'n byw gyda dementia?
A wnaiff y Gweinidog ddatganiad am gynlluniau Llywodraeth Cymru i wella gwasanaethau gofal yng Ngogledd Cymru?