Cwestiynau Llafar a gyflwynwyd ar 14/01/2021 i'w hateb ar 19/01/2021
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Prif Weinidog
Pa sylwadau y mae'r Prif Weinidog wedi'u cyflwyno i Lywodraeth y DU ynghylch darparu cymorth ariannol ychwanegol i gynorthwyo swyddi y mae COVID-19 wedi cael effaith arnynt yng Nghymru?
A wnaiff y Prif Weinidog roi'r wybodaeth ddiweddaraf am y paratoadau ar gyfer etholiadau sydd ar y gweill yng Nghymru?
Pa gamau y mae Llywodraeth Cymru yn eu cymryd i gyflymu cyfradd brechiadau COVID-19 yng Nghymru?
Beth yw asesiad cyfredol y Prif Weinidog o COVID-19 yn ardal Bwrdd Iechyd Prifysgol Aneurin Bevan?
Pa asesiad y mae'r Prif Weinidog wedi'i wneud o effaith cynnydd yn y dreth gyngor ar gyllid pobl yn Nwyrain De Cymru sy'n wynebu anawsterau ariannol?
A wnaiff y Prif Weinidog ddatganiad am y lefel tlodi plant yn Llanelli?
A wnaiff y Prif Weinidog ddatganiad am y cynnydd o ran cyflwyno brechiadau COVID-19 yng ngogledd Cymru?
A wnaiff y Prif Weinidog ddatganiad am gynigion Llywodraeth Cymru ar gyfer datblygiadau cyfansoddiadol yng Nghymru?
Beth yw'r goblygiadau i Gymru yn sgil penderfyniad Llywodraeth y DU i ganslo cyfranogiad y DU yn rhaglen Erasmus Ewrop?
Pa asesiad o'r effaith ar gydraddoldeb y mae Llywodraeth Cymru wedi'i gynnal mewn perthynas â'r cyfyngiadau coronafeirws presennol?
A wnaiff y Prif Weinidog ddatganiad am y nifer sydd wedi manteisio ar y gronfa cadernid economaidd a lansiwyd ar 13 Ionawr 2021 gan fusnesau perthnasol yng Ngogledd Cymru?
A wnaiff y Prif Weinidog ddatganiad am y ddarpariaeth prydau ysgol am ddim yng Ngorllewin De Cymru?