Cwestiynau Llafar a gyflwynwyd ar 09/07/2025 i'w hateb ar 16/07/2025
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Ysgrifennydd y Cabinet dros Lywodraeth Leol a Thai
Pa ddadansoddiad y mae Llywodraeth Cymru wedi'i wneud o effeithiolrwydd Rhentu Doeth Cymru?
A wnaiff yr Ysgrifennydd Cabinet roi'r wybodaeth ddiweddaraf ar raglen adeiladu tai y Llywodraeth ar gyfer tymor y Senedd hon?
Sut mae Llywodraeth Cymru yn cydweithio gydag awdurdodau lleol i wella diogelwch cynghorwyr?
Faint o bobl sydd wedi elwa ar y cynllun Cymorth i Aros yng Nghymru ers iddo gael ei sefydlu?
Sut mae Llywodraeth Cymru yn cefnogi adeiladu tai yng Ngorllewin Caerfyrddin a De Sir Benfro?
A wnaiff yr Ysgrifennydd Cabinet roi'r wybodaeth ddiweddaraf am gyllidebau awdurdodau lleol ar gyfer 2025-26?
Pa asesiad y mae Llywodraeth Cymru wedi'i wneud i effaith pwysau ariannol ar wasanaethau llywodraeth leol?
A wnaiff yr Ysgrifennydd Cabinet roi'r wybodaeth ddiweddaraf am dai cydweithredol yng Nghymru?
A wnaiff yr Ysgrifennydd Cabinet roi'r wybodaeth ddiweddaraf ynghylch rhoi argymhellion y tasglu tai fforddiadwy ar waith?
Ysgrifennydd y Cabinet dros Addysg
Beth yw blaenoriaethau Llywodraeth Cymru ar gyfer ysgolion ym Mhreseli Sir Benfro ar gyfer y deuddeg mis nesaf?
Sut mae Llywodraeth Cymru yn sicrhau bod digon o ddarpariaeth addysg cyfrwng Cymraeg ar draws Gorllewin De Cymru?
Pa gamau y mae Llywodraeth Cymru yn eu cymryd i wella cyrhaeddiad disgyblion?
A wnaiff yr Ysgrifennydd Cabinet roi diweddariad ar gynlluniau y Llywodraeth i adeiladu ysgolion Cymraeg newydd yn Nwyrain De Cymru?
A wnaiff yr Ysgrifennydd Cabinet amlinellu'r camau nesaf yn dilyn y cyhoeddiad diweddar ynghylch corff cenedlaethol a fframwaith statudol newydd ar gyfer gwaith ieuenctid?
Pa oruchwyliaeth sydd gan Lywodraeth Cymru o gydymffurfiaeth ysgolion, gan gynnwys ysgolion ffydd, o ran meini prawf derbyn sy'n rhoi blaenoriaeth i leoedd ar gyfer plant sy'n derbyn gofal?
Pa gamau mae Llywodraeth Cymru yn eu cymryd i wella recriwtio a chadw athrawon?
A wnaiff yr Ysgrifennydd Cabinet roi'r wybodaeth ddiweddaraf ar fuddsoddi mewn addysg yng Nghasnewydd?
A wnaiff yr Ysgrifennydd Cabinet roi'r wybodaeth ddiweddaraf am ddarpariaeth addysg bellach yn Abertawe?