Cwestiynau Llafar a gyflwynwyd ar 08/06/2022 i'w hateb ar 15/06/2022
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Gweinidog yr Economi
A wnaiff y Gweinidog roi'r wybodaeth ddiweddaraf am strategaeth arloesi Llywodraeth Cymru?
Pa asesiad y mae'r Gweinidog wedi'i wneud o sut y bydd Cymru'n cymhwyso ar gyfer rowndiau terfynol cwpan pêl-droed y byd yn effeithio ar economi Cymru?
A wnaiff y Gweinidog esbonio sut y bydd Llywodraeth Cymru yn mesur llwyddiant Cwmni Egino?
A wnaiff y Gweinidog roi'r wybodaeth ddiweddaraf am strategaeth economaidd Llywodraeth Cymru ar gyfer Blaenau'r Cymoedd?
A wnaiff y Gweinidog roi'r wybodaeth ddiweddaraf am weithredu cynllun Llywodraeth Cymru ar gyfer cyflogadwyedd a sgiliau?
A wnaiff y Gweinidog roi'r wybodaeth ddiweddaraf am Strategaeth Ofod Genedlaethol Llywodraeth Cymru?
A wnaiff y Gweinidog amlinellu blaenoriaethau Llywodraeth Cymru ar gyfer busnesau yn sir Benfro dros y 12 mis nesaf?
Pa drafodaethau y mae'r Gweinidog wedi'u cael gyda rhanddeiliaid ynghylch economi'r nos yng Ngorllewin De Cymru?
Beth mae Llywodraeth Cymru yn ei wneud i gefnogi entrepreneuriaeth yng Nghymru?
Pa asesiad y mae'r Gweinidog wedi'i wneud o'r effaith y mae sioeau amaethyddol yn ei chael ar economi Cymru?
Beth mae Llywodraeth Cymru yn ei wneud i gefnogi digwyddiadau mawr yng Ngorllewin Caerfyrddin a De Sir Benfro?
A wnaiff y Gweinidog roi diweddariad am nifer y swyddi sydd wedi'u creu ym Mharc Bryn Cegin, Bangor?
Y Gweinidog Iechyd a Gwasanaethau Cymdeithasol
A wnaiff y Gweinidog ddatganiad am ddarparu gwasanaethau iechyd ym Mhreseli Sir Benfro?
A wnaiff y Gweinidog roi'r wybodaeth ddiweddaraf am y prinder gweithwyr cymorth gofal yng Nghymru?
A wnaiff y Gweinidog roi'r wybodaeth ddiweddaraf am waith Llywodraeth Cymru i gynyddu mynediad at wasanaethau gofal sylfaenol yn ne-ddwyrain Cymru?
Pa asesiad y mae'r Gweinidog wedi'i wneud o'r ddarpariaeth o ddeintyddion yng nghanolbarth Cymru?
A wnaiff y Gweinidog roi'r wybodaeth ddiweddaraf am sut y mae gwasanaethau iechyd meddwl amenedigol yng Nghymru yn cael eu darparu?
A wnaiff y Gweinidog roi diweddariad am yr hyfforddiant meddygol sydd ar gael yn ysgol feddygol gogledd Cymru?
A wnaiff y Gweinidog amlinellu'r camau y mae Llywodraeth Cymru yn eu cymryd i wella lles meddyliol ar draws Dyffryn Clwyd?
Pryd y bydd bwrdd y rhaglen genedlaethol newydd ar gyfer gofal lliniarol a gofal diwedd oes yn dechrau gweithio ar gynllun gweithredu?
Pa gamau sydd yn cael eu cymryd gan Lywodraeth Cymru i sicrhau bod cleifion sydd angen llawdriniaeth feddygol frys yn ei dderbyn mewn amser rhesymol?
Sut mae Llywodraeth Cymru yn gweithio i sicrhau bod menywod yn cael mynediad cyfartal at ddiagnosis a chymorth ar gyfer cyflyrau niwroamrywiol?
Pa gamau y mae Llywodraeth Cymru yn eu cymryd i sicrhau bod cerbydau ymateb cyflym yn parhau i fod ar gael mewn ardaloedd gwledig?
Pa gymorth y mae Llywodraeth Cymru yn ei roi i bobl sy'n byw gydag endometriosis yng Ngorllewin Caerfyrddin a De Sir Benfro?