Cwestiynau Llafar a gyflwynwyd ar 08/02/2023 i'w hateb ar 15/02/2023
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Y Gweinidog Cyllid a Llywodraeth Leol
Pa asesiad mae Llywodraeth Cymru wedi'i wneud o'r effaith posib o gynyddu'r gyfradd sylfaenol o dreth incwm yng Nghymru?
Pa drafodaethau y mae'r Gweinidog wedi'u cael gyda'r Gweinidog Newid Hinsawdd a'r Gweinidog Cyfiawnder Cymdeithasol ynglŷn â chymorth Llywodraeth Cymru i leihau'r pwysau ariannol ar wasanaethau bysiau rheolaidd?
Pa drafodaethau mae'r Gweinidog wedi'u cael gyda'r Gweinidog Newid Hinsawdd ynglŷn ag effaith cyllideb ddrafft y Llywodraeth ar ddyfodol parciau cenedlaethol?
Sut mae Llywodraeth Cymru'n cefnogi dyfodol llyfrgelloedd cyhoeddus yn Islwyn?
Sut mae Llywodraeth Cymru yn gweithio gydag awdurdodau lleol i gefnogi ac ariannu parhad cydwasanaethau?
Pa asesiad mae Llywodraeth Cymru wedi'i wneud o effaith ei chyllideb ddrafft ar gyfer 2023–24 ar awdurdodau lleol?
A wnaiff y Gweinidog ddatganiad ar gyllideb Cyngor Sir Ynys Môn?
Pa drafodaethau y mae'r Gweinidog wedi'u cael gyda Gweinidog yr Economi ynghylch cyllid i awdurdodau lleol i hyrwyddo cyfleoedd prentisiaethau i ddysgwyr ifanc?
Pa asesiad mae'r Gweinidog wedi'i wneud o nifer y personél o fewn awdurdodau lleol sy'n cael eu talu o dan reolau gwaith oddi ar y gyflogres IR35?
Pa gamau mae Llywodraeth Cymru yn eu cymryd i sicrhau bod Gogledd Cymru yn cael cyfran deg o wariant Llywodraeth Cymru?
Pa drafodaethau mae'r Gweinidog wedi eu cael gyda'r Gweinidog Newid Hinsawdd ynghylch sicrhau bod digon o arian ar gael i awdurdodau lleol er mwyn lliniaru effeithiau tywydd garw?
Beth yw blaenoriaethau gwariant y Gweinidog ar gyfer Preseli Sir Benfro yn ystod y 12 mis nesaf?
Y Gweinidog Materion Gwledig a Gogledd Cymru, a’r Trefnydd
Sut mae Llywodraeth Cymru yn cefnogi cymunedau ledled Canol De Cymru i gael mynediad at ofodau gwyrdd cymunedol?
Sut fydd Llywodraeth Cymru yn parhau i gefnogi datblygu gwledig yng Nghanolbarth a Gorllewin Cymru wrth i gyllid yr UE ddod i ben?
Beth mae Llywodraeth Cymru'n ei wneud i ddenu pobl ifanc i yrfaoedd ym myd ffermio ac amaeth?
Beth mae'r Gweinidog yn ei wneud i gefnogi'r diwydiant wyau yn Nwyrain De Cymru?
Pa drafodaethau mae'r Gweinidog wedi'u cael gyda'r Gweinidog Newid Hinsawdd ynglŷn ag effaith Bil Amaethyddiaeth (Cymru) ar y rhaglen weithredu genedlaethol ar fawndiroedd?
A wnaiff y Gweinidog amlinellu pa effaith y mae costau byw cynyddol wedi'i chael ar les anifeiliaid?
Pa ystyriaeth mae Llywodraeth Cymru wedi ei rhoi i wahardd rasio milgwn?
Pa gynlluniau sydd gan y Gweinidog i wella rheolaeth cŵn?
Sut mae'r Gweinidog yn hybu datblygu gwledig yng Ngogledd Cymru?
A wnaiff y Gweinidog ddatganiad ynglŷn â gwariant y gronfa datblygu gwledig yng Nghanol De Cymru?
Pa drafodaethau diweddar y mae'r Gweinidog wedi'u cynnal gyda chydweithwyr mewn llywodraeth leol am y camau y gallant eu cymryd i wella lles anifeiliaid?
Sut mae Llywodraeth Cymru yn ceisio gwella mynediad at fannau gwyrdd cymunedol trefol ledled Cymru?