Cwestiynau Llafar a gyflwynwyd ar 07/11/2018 i'w hateb ar 14/11/2018
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Ysgrifennydd y Cabinet dros Gyllid
A wnaiff Ysgrifennydd y Cabinet gadarnhau faint o arian y gellir ei ddefnyddio o dan ffrydiau ariannu cyfalaf gwahanol ar gyfer ffordd liniaru'r M4?
A wnaiff Ysgrifennydd y Cabinet ddatganiad am oblygiadau rhagolygon y Swyddfa Ystadegau Gwladol ar gyfer poblogaeth oedran gweithio Cymru?
A wnaiff Ysgrifennydd y Cabinet ddatganiad am lefel ardrethi busnes yng Nghymru?
A wnaiff Ysgrifennydd y Cabinet ddatganiad am y dyraniad cyllidebol ar gyfer y portffolio iechyd a gwasanaethau cymdeithasol?
Pa ystyriaeth y mae Ysgrifennydd y Cabinet wedi'i rhoi i ddarparu cyllid i atal llifogydd wrth benderfynu ar y gyllideb ddrafft ar gyfer 2019/20?
Sut y mae Llywodraeth Cymru yn bwriadu defnyddio'r model buddsoddi cydfuddiannol yn y dyfodol?
A wnaiff Ysgrifennydd y Cabinet ddatganiad am y gronfa arloesi-i-arbed?
Pa ddadansoddiad y mae Llywodraeth Cymru wedi'i wneud o'r effaith ar Gymru o symud i reolau Sefydliad Masnach y Byd ar ôl Brexit?
Pa drafodaethau y mae Ysgrifennydd y Cabinet wedi'u cael gydag Ysgrifennydd y Cabinet dros yr Economi a Thrafnidiaeth am effaith Brexit ar borthladd Caergybi?
A wnaiff Ysgrifennydd y Cabinet ddatganiad am oblygiadau cyllideb Llywodraeth y DU ar gyfer adnoddau refeniw a chyfalaf Llywodraeth Cymru?
Pa ystyriaeth a roddodd Ysgrifennydd y Cabinet i ddatblygu economaidd yng Ngogledd Cymru wrth ddyrannu cyllideb ddrafft Llywodraeth Cymru?
A wnaiff Ysgrifennydd y Cabinet ddatganiad am wariant Llywodraeth Cymru ar gyfer 2019-20 ym Mhowys?
Pa ystyriaeth a roddodd Ysgrifennydd y Cabinet i gyllid ar gyfer addysg bellach wrth benderfynu ar y gyllideb ddrafft ar gyfer 2019/20?
Pa ystyriaeth a roddodd Ysgrifennydd y Cabinet i amddiffyn menywod wrth ddyrannu'r gyllideb ddrafft ar gyfer 2019-20?
Beth yw blaenoriaethau Llywodraeth Cymru ar gyfer gogledd Cymru mewn perthynas â dyrannu arian ychwanegol sy'n debygol o ddod i Gymru yn dilyn cyhoeddiadau Llywodraeth y DU ar y gyllideb?
Arweinydd y Tŷ a'r Prif Chwip
A wnaiff Arweinydd y Tŷ roi'r wybodaeth ddiweddaraf am y camau y mae Llywodraeth Cymru yn eu cymryd i fynd i'r afael â throseddau casineb?
A wnaiff Arweinydd y Tŷ roi'r wybodaeth ddiweddaraf am gysylltedd band-eang yn Arfon?
Sut y mae'r camau y mae Llywodraeth Cymru yn eu cymryd yn trawsnewid y dirwedd ddigidol yn Islwyn?
A wnaiff Arweinydd y Tŷ ddatganiad am y camau y mae Llywodraeth Cymru yn eu cymryd i roi terfyn ar gaethwasiaeth fodern a masnachu mewn pobl yn ne-ddwyrain Cymru?
A wnaiff Arweinydd y Tŷ roi'r wybodaeth ddiweddariad am fynediad i fand eang yng Ngorllewin De Cymru?
A wnaiff Arweinydd y Tŷ amlinellu blaenoriaethau Llywodraeth Cymru ar gyfer gwella'r seilwaith digidol yn Sir Benfro?
A wnaiff Arweinydd y Tŷ ddatganiad am lefelau anghydraddoldeb yng Nghymru?
A wnaiff Arweinydd y Tŷ ddarparu amlinelliad o fuddsoddiad diweddar ac arfaethedig mewn band eang?
Beth y mae Llywodraeth Cymru wedi'i wneud i fynd i'r afael â thrais yn erbyn menywod a cham-drin domestig dros y 12 mis diwethaf?
Pa drafodaethau y mae Arweinydd y Tŷ wedi'u cael gydag Ysgrifennydd y Cabinet dros Addysg ynghylch cyllid i gefnogi dysgwyr o leiafrifoedd ethnig ac sy'n Sipsiwn, Roma a Theithwyr?
Pa fesurau pellach y bydd Llywodraeth Cymru yn eu cymryd i fynd i'r afael â throseddau casineb yng Nghymru yn 2019?
Comisiwn y Cynulliad
Pa gynlluniau sydd gan y Comisiwn i wella’r broses o ddarlledu trafodion yn y Senedd?
Pa gynlluniau sydd gan y Comisiwn i wella'r amgylchedd o amgylch y Cynulliad?
A wnaiff y Comisiwn ddatganiad am arferion gweithio hyblyg sydd ar gael i staff y Comisiwn?