Cwestiynau Llafar a gyflwynwyd ar 05/02/2025 i'w hateb ar 12/02/2025
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Ysgrifennydd y Cabinet dros yr Economi, Ynni a Chynllunio
Sut y mae Llywodraeth Cymru yn gweithio gyda chyrff llywodraethu chwaraeon i gefnogi'r lluoedd arfog?
A wnaiff yr Ysgrifennydd Cabinet ddatganiad am ddatblygiad economaidd ym Mlaenau Gwent?
Sut y mae polisi cynllunio Llywodraeth Cymru yn cefnogi cymunedau y mae llifogydd yn effeithio arnynt?
Pa asesiad y mae'r Ysgrifennydd Cabinet wedi'i wneud o effaith bosibl y gronfa ffyniant gyffredin yn 2025-26 ar Gymru?
Pa ystyriaeth y mae Llywodraeth Cymru wedi'i rhoi i effaith Bil Hawliau Cyflogaeth Llywodraeth y DU ar Gymru?
Sut y mae Llywodraeth Cymru yn cefnogi busnesau canol tref yng Nghanolbarth a Gorllewin Cymru?
A wnaiff yr Ysgrifennydd Cabinet ddatganiad am effaith Brexit ar economi Cymru?
Sut y mae Llywodraeth Cymru yn cefnogi sefydlu cwmnïau buddiannau cymunedol?
A wnaiff yr Ysgrifennydd Cabinet ddatganiad ar ddiogelwch cyfleusterau storio batris arfaethedig yng Nghymru?
Beth y mae Llywodraeth Cymru yn ei wneud i leihau costau ynni domestig?
Beth y mae Llywodraeth Cymru yn ei wneud i gefnogi cynhyrchu ynni adnewyddadwy?
Sut y mae Llywodraeth Cymru yn hyrwyddo'r celfyddydau a diwylliant yng nogledd-ddwyrain Cymru?
Ysgrifennydd y Cabinet dros Iechyd a Gofal Cymdeithasol
A wnaiff yr Ysgrifennydd Cabinet ddatganiad ar amseroedd aros cleifion yn Ysbyty Glan Clwyd?
Sut y mae Llywodraeth Cymru yn sicrhau mynediad at wasanaethau erthylu?
Pa asesiad y mae Llywodraeth Cymru wedi'i wneud o adroddiad diweddar Arolygiaeth Gofal Iechyd Cymru ar adran achosion brys Ysbyty Athrofaol y Faenor?
A wnaiff yr Ysgrifennydd Cabinet roi'r wybodaeth ddiweddaraf am rôl Partneriaeth y Gweithlu Gofal Cymdeithasol?
Pa gymorth y mae Llywodraeth Cymru yn ei ddarparu i ddarparwyr gofal cymdeithasol sy'n contractio gwasanaethau ar ran awdurdodau lleol a byrddau iechyd lleol?
A wnaiff yr Ysgrifennydd Cabinet roi'r wybodaeth ddiweddaraf am yr hyn y mae Llywodraeth Cymru yn ei wneud i gefnogi gofalwyr?
Sut y mae Llywodraeth Cymru yn cefnogi menywod ag endometriosis?
Pa gamau sy'n cael eu cymryd gan Lywodraeth Cymru i fynd i'r afael â'r heriau recriwtio yn y GIG yng Nghymru?
Pa gamau y mae Llywodraeth Cymru yn eu cymryd i gael gwared ar ofal mewn coridorau yn ysbytai Cymru?
A wnaiff yr Ysgrifennydd Cabinet roi diweddariad ar y cynlluniau i ddatblygu canolfan iechyd a lles integredig yng Nghaergybi?
Sut y mae Llywodraeth Cymru yn sicrhau bod gan adrannau damweiniau ac achosion brys ddigon o gyllid a chapasiti?
Pa gynlluniau sydd gan Lywodraeth Cymru i estyn Rhanbarthau Marmot iechyd cyhoeddus y tu hwnt i Went?