Cwestiynau Llafar a gyflwynwyd ar 03/07/2024 i'w hateb ar 10/07/2024
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Ysgrifennydd y Cabinet dros Lywodraeth Leol, Tai a Chynllunio
Pa drafodaethau y mae’r Ysgrifennydd Cabinet wedi'u cael gyda phartneriaid llywodraeth leol ynglŷn â manteision symud pensiynau llywodraeth leol Cymru i ffwrdd o fuddsoddiadau tanwydd ffosil?
A wnaiff yr Ysgrifennydd Cabinet roi diweddariad am waith Llywodraeth Cymru gyda chynghorau lleol i wella hygyrchedd i drigolion anabl yng nghanol trefi?
A wnaiff yr Ysgrifennydd Cabinet roi diweddariad am sut y mae Llywodraeth Cymru yn cyrraedd ei thargedau o ran tai?
Pa faterion o ran tai y mae’r Ysgrifennydd Cabinet wedi'u nodi fel blaenoriaethau i fynd i’r afael â hwy dros weddill tymor y Senedd hon?
Pa werthusiad y mae Llywodraeth Cymru wedi'i wneud o'r polisi datblygiadau Un Blaned?
Sut y mae Llywodraeth Cymru yn sicrhau bod tai yn diwallu anghenion tenantiaid ar bob cam o'u bywydau?
Beth y mae Llywodraeth Cymru yn ei wneud i gefnogi’r broses o ddatgarboneiddio cartrefi?
Pa gamau y mae'r Ysgrifennydd Cabinet yn eu cymryd i leihau nifer yr achosion o leoli pobl ddigartref mewn gwestai?
Pa drafodaethau y mae yr Ysgrifennydd Cabinet wedi'u cael gyda chwmnïau dŵr ynglŷn â gosod systemau chwistrellu dŵr mewn eiddo newydd?
A wnaiff yr Ysgrifennydd Cabinet amlinellu strategaeth Llywodraeth Cymru ar gyfer ad-drefnu llywodraeth leol?
A wnaiff yr Ysgrifennydd y Cabinet wneud datganiad am ddyfodol safle pwll glo brig Ffos-y-frân?
A wnaiff yr Ysgrifennydd Cabinet roi'r wybodaeth ddiweddaraf am ddarparu tai cydweithredol yng Nghymru?
Ysgrifennydd y Cabinet dros Addysg
Pa gynlluniau sydd gan yr Ysgrifennydd Cabinet i annog pobl ifanc i ddysgu chwarae offerynnau cerddorol?
Pa asesiad y mae'r Llywodraeth wedi'i wneud o drefniadau diogelu ar gyfer clybiau gwyliau sy’n defnyddio adeiladau ysgolion?
Pa gamau y mae'r Ysgrifennydd Cabinet yn eu cymryd i gefnogi ysgolion preifat yng Nghymru?
Pa asesiad y mae’r Ysgrifennydd Cabinet wedi'i wneud o effaith y nifer uchel o athrawon a ddiswyddwyd yn ystod y flwyddyn ddiwethaf ar addysg mewn ysgolion?
Pa gymorth y mae Llywodraeth Cymru yn ei roi i ddisgyblion sydd ag anghenion dysgu ychwanegol?
Sut y gellir defnyddio’r rhaglen ysgolion ar gyfer yr 21ain ganrif yn y modd mwyaf effeithiol yng nghanol dinasoedd?
Pa gamau sy'n cael eu cymeryd gan Lywodraeth Cymru i sicrhau bod ysgolion yng Nghanol De Cymru yn gweithredu y Polisïau gwisg ysgol statudol ddaeth i rym y llynedd?
A wnaiff yr Ysgrifennydd Cabinet ddatganiad am gymorth iechyd meddwl mewn ysgolion?
A wnaiff yr Ysgrifennydd Cabinet ddatganiad am gyfranogiad ysgolion yn y rhaglen eco-sgolion?
A wnaiff yr Ysgrifennydd Cabinet adolygu'r trothwy o ran incwm uchaf i unigolyn fod yn gymwys i gael cyfrif dysgu personol?
A wnaiff yr Ysgrifennydd Cabinet ddatganiad am ei blaenoriaethau ar gyfer ysgolion Dwyrain De Cymru?
A wnaiff yr Ysgrifennydd Cabinet roi diweddariad am waith Llywodraeth Cymru i sicrhau bod ysgolion yn cynnig profiad ac amgylchedd dysgu cynhwysol i bawb?