Cwestiynau Llafar a gyflwynwyd ar 03/07/2019 i'w hateb ar 10/07/2019
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Gweinidog yr Economi a Thrafnidiaeth
A wnaiff y Gweinidog ddatganiad am flaenoriaethau Llywodraeth Cymru ar gyfer twf economaidd yn Aberafan?
Pa drafodaethau y mae'r Gweinidog wedi'u cael gyda chyd-aleodau'r cabinet ynghylch defnyddio caffael cyhoeddus i gefnogi busnesau lleol?
A wnaiff y Gweinidog ddatganiad am welliannau arfaethedig i wasanaethau rheilffyrdd yng Nghanolbarth a Gorllewin Cymru?
A wnaiff y Gweinidog ddatganiad am wasanaethau trên ar reilffordd y Cambrian?
Pa asesiad y mae'r Gweinidog wedi'i wneud o effaith economaidd twristiaeth yng ngogledd Cymru?
A wnaiff y Gweinidog ddatganiad am bolisïau trafnidiaeth gyhoeddus Llywodraeth Cymru ar gyfer datblygiadau tai newydd?
Pa asesiad y mae'r Gweinidog wedi'i wneud o'r effaith y bydd gadael undeb tollau'r UE a'r farchnad sengl yn ei chael ar economi Cymru?
A wnaiff y Gweinidog roi'r wybodaeth ddiweddaraf am y cynigion i liniaru sŵn ar hyd y A40 yn Sir Fynwy?
Sut y mae Llywodraeth Cymru yn cefnogi datblygu economaidd yn ardal Blaenau'r Cymoedd?
A wnaiff y Gweinidog sylw am y gefnogaeth sydd ar gael ar gyfer gwasanaethau bysiau yn y Gogledd?
Sut y mae Llywodraeth Cymru yn sicrhau bod cyfleoedd swyddi yn cael eu creu yn y Rhondda?
A wnaiff y Gweinidog roi'r wybodaeth ddiweddaraf am nifer y busnesau bach a chanolig ym Merthyr Tudful a Rhymni sy'n gwneud defnydd o brentisiaethau?
Y Cwnsler Cyffredinol a'r Gweinidog Brexit
A wnaiff y Cwnsler Cyffredinol ddatganiad am ddatblygiad fframweithiau cyffredin y DU?
Pa asesiad sydd wedi'i wneud o effaith Brexit ar y diwydiant gweithgynhyrchu ceir?
A wnaiff y Cwnsler Cyffredinol ddatganiad am ymgysylltiad Llywodraeth Cymru â busnesau bach ar barodrwydd ar gyfer Brexit?
Pa gyfarfodydd y mae'r Cwnsler Cyffredinol wedi'u trefnu gyda Llywodraeth y DU i drafod Brexit dros doriad yr haf?
Pa asesiad y mae'r Cwnsler Cyffredinol wedi'i wneud o'r effaith y bydd Brexit yn ei chael ar y cymorth cyfreithiol fydd ar gael?
Pa drafodaethau y mae Llywodraeth Cymru yn eu cael ynghylch trefniadau llywodraethu'r DU ar ôl Brexit?
Pa gynlluniau y mae Llywodraeth Cymru yn eu gwneud i amddiffyn busnesau os bydd Senedd y DU yn methu â rhwystro'r DU rhag gadael yr UE heb gytundeb?
Pryd mae’r Cwnsler Cyffredinol yn disgwyl derbyn gwybodaeth allweddol gan Lywodraeth y DU a fydd yn caniatau i Lywodraeth Cymru gwblhau ei chynlluniau ar gyfer Brexit?
Pa drafodaethau y mae'r Cwnsler Cyffredinol wedi'u cael gyda Gweinidogion y DU am y rôl y bydd Cymru yn ei chwarae mewn trafodaethau ar y berthynas â'r UE yn y dyfodol?
Pa sicrwydd y mae'r Cwnsler Cyffredinol wedi'i gael gan Lywodraeth y DU y bydd cynlluniau ar gyfer y gronfa ffyniant gyfffredin yn parchu'r setliad datganoli?
Sut mae Llywodraeth Cymru yn bwriadu diogelu twristiaeth o'r UE ar ôl Brexit?
Beth mae Llywodraeth Cymru yn ei wneud i helpu busnesau yn Ogwr i baratoi at y posibilrwydd o Brexit heb gytundeb?