Cwestiynau Llafar a gyflwynwyd ar 03/01/2024 i'w hateb ar 10/01/2024
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Gweinidog yr Economi
A wnaiff y Gweinidog roi diweddariad ar y posibilrwydd o golli swyddi yn Tata Steel ym Mhort Talbot?
Beth mae Llywodraeth Cymru yn ei wneud i gefnogi swyddi gwyrdd?
Pa asesiad y mae'r Gweinidog wedi'i wneud o effaith ddisgwyliedig y terfyn cyflymder cyffredinol o 20mya ar economi Cymru?
Beth yw strategaeth Llywodraeth Cymru ar gyfer helpu a chefnogi sector y celfyddydau a'r sector diwylliant yng Nghymru?
Pa asesiad y mae Llywodraeth Cymru wedi'i wneud o effaith y bwriad arfaethedig i gau canolfannau hamdden ar chwaraeon cymunedol, gweithgarwch corfforol a gweithgareddau hamdden egnïol yn ardal Cyngor Bwrdeistref Sirol Caerffili?
Beth yw cynlluniau Llywodraeth Cymru ar gyfer cefnogi busnesau bach yn 2024?
Pa sgyrsiau y mae'r Gweinidog wedi'u cael gyda chyrff chwaraeon ynghylch brwydro yn erbyn trais ar sail rhywedd?
A wnaiff y Gweinidog roi diweddariad ar genhadaeth economaidd Llywodraeth Cymru?
A wnaiff y Gweinidog ddatganiad am berfformiad Banc Datblygu Cymru?
A wnaiff y Gweinidog roi diweddariad am gysylltedd ddigidol yn Nwyfor Meirionnydd?
Pa asesiad y mae Llywodraeth Cymru wedi'i wneud o rôl y diwydiannau creadigol wrth ddatblygu economi Gogledd Cymru?
Pa gamau y mae Llywodraeth Cymru yn eu cymryd i fynd i'r afael â phrinder sgiliau cyflogaeth yng Ngorllewin Caerfyrddin a De Sir Benfro?
Y Gweinidog Iechyd a Gwasanaethau Cymdeithasol
Pa asesiad y mae'r Gweinidog wedi'i wneud o'r effaith y bydd toriadau i wasanaethau cymdeithasol awdurdodau lleol yn ei chael ar amseroedd aros y GIG yn 2024?
Beth yw asesiad presennol Llywodraeth Cymru o argaeledd gwasanaethau gofal iechyd sylfaenol yn Nwyrain Casnewydd?
A wnaiff y Gweinidog ddatganiad am sut mae GIG Cymru yn ymdrin â phwysau'r gaeaf?
Sut mae'r Llywodraeth yn sicrhau bod gan bobl sy'n byw yn ardal Bwrdd Iechyd Prifysgol Bae Abertawe hyder mewn gwasanaethau iechyd lleol?
Sut mae Llywodraeth Cymru yn helpu i gadw a recriwtio therapyddion iaith a lleferydd yng Nghymru?
Beth yw strategaeth Llywodraeth Cymru ar gyfer cynyddu bwydo ar y fron?
Beth mae Llywodraeth Cymru yn ei wneud i wella'r ddarpariaeth iechyd meddwl mewn cymunedau gwledig yng Nghanolbarth a Gorllewin Cymru?
A wnaiff y Gweinidog ddatganiad am y galw presennol ar wasanaethau meddygon teulu?
Sut mae'r Llywodraeth yn cynyddu argaeledd deintyddiaeth y GIG yn Nwyrain De Cymru?
Sut mae'r Gweinidog yn gweithio i wella canlyniadau iechyd meddwl yng Nghymru?
A wnaiff y Gweinidog roi diweddariad ar ddatblygu cynllun iechyd menywod?
A wnaiff y Gweinidog roi diweddariad ar gynlluniau Llywodraeth Cymru ar gyfer dyfodol meddygfeydd?