Cynulliad Cenedlaethol Cymru

Pa asesiad y mae'r Ysgrifennydd Cabinet wedi'i wneud o effaith y Bil Llety Ymwelwyr (Cofrestr ac Ardoll) Etc. (Cymru) ar y diwydiant twristiaeth?

Beth mae'r Llywodraeth yn ei wneud i gefnogi busnesau'r stryd fawr yn Nwyrain De Cymru?

Pa asesiad y mae'r Ysgrifennydd Cabinet wedi'i wneud o'r effaith ar Gymru yn sgil tynnu cyllid y DU yn ôl o Borth y Gorllewin?

Pa ystyriaeth y mae'r Ysgrifennydd Cabinet wedi'i rhoi i'r effaith ar fusnesau canol trefi yn sgil cynllun datblygu lleol diwygiedig Cyngor Bwrdeistref Sirol Rhondda Cynon Taf?

Pa asesiad y mae Llywodraeth Cymru wedi'i wneud o effeithiau ffermydd solar arfaethedig ar drigolion lleol yn ne-ddwyrain Cymru?

Pa drafodaethau y mae'r Ysgrifennydd Cabinet wedi'u cael gydag Ysgrifennydd y Cabinet dros Addysg ynglŷn ag annog colegau ledled Cymru i gymryd rhan yng nghystadleuaeth WorldSkills i helpu i ddiwallu anghenion diwydiant?

Pa ystyriaeth y mae'r Ysgrifennydd Cabinet wedi'i rhoi i sut y gall sefydliadau diwylliannol Cymru arddangos treftadaeth unigryw Gogledd Cymru yn well?

Pa werthusiad y mae'r Ysgrifennydd Cabinet wedi'i wneud o'r potensial adfywio economaidd yn sgil amgueddfa rygbi Cymru arfaethedig yn Sir Gaerfyrddin?

Sut mae Llywodraeth Cymru yn cefnogi twf economaidd yn Nwyrain Casnewydd?

Sut mae Llywodraeth Cymru yn cefnogi ymchwil a datblygu i hyrwyddo twf economaidd?

Pa gamau y mae'r Llywodraeth yn eu cymryd i hyfforddi gweithluoedd lleol yn y sgiliau sydd eu hangen i uwchraddio a gwella cartrefi?

A wnaiff yr Ysgrifennydd Cabinet amlinellu polisi Llywodraeth Cymru ar gyfleusterau storio ynni mewn batri?

Sut mae Llywodraeth Cymru yn bwriadu integreiddio technolegau cymryd nodiadau deallusrwydd artiffisial, tebyg i'r rhai sy'n cael eu treialu gan Lywodraeth y DU, i leihau beichiau gweinyddol a gwella gofal cleifion yn y GIG?

Pa ganllawiau y mae Llywodraeth Cymru wedi'u rhoi i fyrddau iechyd yn dilyn dyfarniad Goruchaf Lys y DU ar y diffiniad o fenyw?

A wnaiff yr Ysgrifennydd Cabinet roi'r wybodaeth ddiweddaraf am yr oedi cyn trosglwyddo o ambiwlans i'r adran damweiniau ac achosion brys yn Ysbyty Glan Clwyd?

Beth mae Llywodraeth Cymru yn ei wneud i wella ansawdd gofal iechyd meddwl cleifion mewnol?

Beth mae'r Llywodraeth yn ei wneud i ddileu gofal mewn coridorau ym Mwrdd Iechyd Prifysgol Aneurin Bevan?

Pa asesiad y mae'r Ysgrifennydd Cabinet wedi'i wneud o effaith adroddiad Ebrill 2025 gan Grŵp Cynghori Gweinidogol ar Berfformiad a Chynhyrchiant GIG Cymru ar drigolion Sir Fynwy?

Sut mae Llywodraeth Cymru yn cefnogi'r gwaith o ddarparu gofal sylfaenol yng Ngorllewin Caerfyrddin a De Sir Benfro?

Pa drefniadau mae'r Llywodraeth wedi eu rhoi ar waith i sicrhau bod y gwasanaethau a gynigir yn Seren Lodge yng Nghaer yn addas ar gyfer mamau o ogledd a chanolbarth Cymru?

Pa ystyriaeth y mae'r Ysgrifennydd Cabinet wedi'i rhoi i adroddiadau diweddar sy'n ymwneud â chamymarfer mewn theatrau llawdriniaethau yn Ysbyty Athrofaol Cymru?

Pa gynlluniau sydd gan Lywodraeth Cymru i gynyddu nifer y lleoedd hyfforddi arbenigol anaesthesia yn GIG Cymru?

Beth mae Llywodraeth Cymru yn ei wneud i wella'r gwaith o ddarparu gwasanaethau iechyd ym Mhreseli Sir Benfro?

A wnaiff yr Ysgrifennydd Cabinet ddatganiad ar gynhyrchiant ac effeithlonrwydd ym maes gofal eilaidd?