Cwestiynau Llafar a gyflwynwyd ar 27/01/2021 i'w hateb ar 03/02/2021
Bydd y Llywydd yn galw ar lefarwyr y pleidiau i ofyn cwestiynau heb rybudd ar ôl cwestiwn 2.Gweinidog yr Amgylchedd, Ynni a Materion Gwledig
Pa fesurau sydd ar waith i hyrwyddo cynhyrchu ynni adnewyddadwy ar raddfa fach yng Nghymru?
A wnaiff y Gweinidog ddatganiad am reoli'r risg o lifogydd yn Rhuthun?
Pa gamau y mae Llywodraeth Cymru yn eu cymryd i gefnogi'r Confensiwn ar Amrywiaeth Fiolegol?
Pa gamau y mae Llywodraeth Cymru yn eu cymryd i ddiogelu'r economi wledig yn ystod y pandemig?
A wnaiff y Gweinidog ddatganiad am effaith Storm Christoph ym Mancot, Sandycroft a chymunedau cyfagos?
A wnaiff y Gweinidog ddatganiad am effaith ymadael â’r Undeb Ewropeaidd ar y sector bwyd môr yng Nghymru?
Pa gamau y mae Llywodraeth Cymru yn eu cymryd i gynyddu niferoedd pryfed yng Nghymru?
Pa asesiad y mae'r Gweinidog wedi'i wneud o benderfyniad Llywodraeth y DU i awdurdodi defnyddio plaladdwyr neonicotinoid?
A wnaiff y Gweinidog roi'r wybodaeth ddiweddaraf am gynigion i wella lles cathod a chŵn yng Nghymru?
A wnaiff y Gweinidog roi'r wybodaeth ddiweddaraf am y mesurau y mae Llywodraeth Cymru yn eu cymryd i leihau nifer y troseddau amgylcheddol yn Islwyn?
A wnaiff y Gweinidog ddatganiad am fentrau Llywodraeth Cymru i fynd i'r afael â throseddau amgylcheddol?
Pa gamau y mae Llywodraeth Cymru yn eu cymryd i ddiogelu’r amgylchedd yng Ngorllewin Caerfyrddin a De Sir Benfro?
Y Gweinidog Tai a Llywodraeth Leol
A wnaiff y Gweinidog ddatganiad am ddarparu gwasanaethau cyhoeddus lleol yng Nghanol De Cymru?
Pa asesiad y mae'r Gweinidog wedi'i wneud o lefelau staff awdurdodau lleol sydd ar gael i ddarparu gwasanaethau allweddol ledled Cymru yn ystod y pandemig COVID-19?
Pa asesiad y mae Llywodraeth Cymru wedi'i wneud o’r ôl-ddyledion rhent sydd wedi cronni yng Nghaerdydd ers dechrau pandemig y coronafeirws?
Pa drafodaethau y mae'r Gweinidog wedi'u cael gydag awdurdodau lleol ynghylch defnyddio llety brys i bobl ddigartref yn ystod y pandemig?
Pa fesurau y bydd Llywodraeth Cymru yn eu cyflwyno i gynyddu’r cyflenwad o dai fforddiadwy yn ne-ddwyrain Cymru?
Pa gamau y mae Llywodraeth Cymru yn eu cymryd i ddiogelu’r diwydiant tai yn ystod y cyfyngiadau symud COVID-19?
A wnaiff y Gweinidog ddatganiad am gymorth tai i gymunedau ym Mlaenau'r Cymoedd yn y cyfnod ar ôl COVID-19?
A wnaiff y Gweinidog roi'r wybodaeth ddiweddaraf am sut y mae Llywodraeth Cymru yn meithrin cydnerthedd o fewn gwasanaethau diogelu'r cyhoedd ym maes llywodraeth leol?
A wnaiff y Gweinidog ddatganiad am y gwerthusiad o Rhentu Doeth Cymru?
Pa drafodaethau y mae'r Gweinidog wedi'u cael gyda Gweinidog yr Amgylchedd, Ynni a Materion Gwledig ynghylch sicrhau bod gweithwyr awdurdodau lleol yn cael gwared ar gyfarpar diogelu personol ac eitemau gwastraff risg COVID-19 eraill yn ddiogel?
Pa drafodaethau y mae Llywodraeth Cymru wedi’u cael â darparwyr tai cymdeithasol am y ffordd orau o gefnogi eu tenantiaid yn ystod pandemig y coronafeirws?
Beth mae Llywodraeth Cymru yn ei wneud i leihau’r ôl troed carbon wrth adeiladu tai yng Nghymru?