Cynigion i’w trafod ar 16/07/2025
NDM8960 - Cynnig ar gyfer dadl gan Wrthblaid
Wedi’i gyflwyno ar 09/07/2025 | I'w drafod ar 16/07/2025Cynnig bod y Senedd:
1. Yn cydnabod pwysigrwydd amaethyddiaeth i economi, diwylliant, iaith, amgylchedd a chymunedau gwledig Cymru.
2. Yn galw ar Lywodraeth Cymru i gynnal pleidlais derfynol, rwymol yn y Senedd ar ei chynllun ffermio cynaliadwy arfaethedig, cyn ei weithredu, er mwyn sicrhau ei gyfreithlondeb democrataidd, a hyder y sector amaethyddol.
Cyflwynwyd gan
Cefnogwyr
Gwelliannau
Dileu pwynt 2 a rhoi yn ei le:
Yn croesawu’r cynnig i gyflwyno’r Cynllun Ffermio Cynaliadwy; ac
Yn nodi y bydd Llywodraeth Cymru’n dod ag Offeryn Statudol gerbron sy’n cynnwys y prif ddarpariaethau fydd yn sail i’r Cynllun.
Cyflwynwyd gan
NDM8961 - Cynnig ar gyfer dadl gan Bwyllgor
Wedi’i gyflwyno ar 09/07/2025 | I'w drafod ar 16/07/2025Cynnig bod y Senedd:
Yn nodi’r gwaith ymgysylltu a wnaed gan y Pwyllgor Cyllid yn ymwneud â blaenoriaethau gwariant Llywodraeth Cymru ar gyfer cyllideb 2026-27, ac yn nodi ymhellach y sylwadau a wnaed gan gyfranogwyr yn y digwyddiadau a ganlyn:
a) digwyddiad i randdeiliaid yn y Ganolfan Rheolaeth, Prifysgol Bangor;
b) grwpiau ffocws ymgysylltu â dinasyddion; ac
c) digwyddiadau ymgysylltu gyda phobl Ifanc, gan gynnwys gweithdy gydag aelodau o Senedd Ieuenctid Cymru.
Cyllideb Ddrafft Llywodraeth Cymru ar gyfer 2026-27: Adroddiad Cryno ar Ymgysylltu y Pwyllgor Cyllid
Cyflwynwyd gan
NDM8962 - Cynnig ar gyfer dadl gan Bwyllgor
Wedi’i gyflwyno ar 09/07/2025 | I'w drafod ar 16/07/2025Cynnig bod y Senedd:
Yn nodi adroddiad Pwyllgor Diben Arbennig Ymchwiliad covid-19 Cymru, sef ‘Adroddiad ar y bylchau a nodwyd ym mharodrwydd ac ymateb Llywodraeth Cymru a chyrff cyhoeddus eraill Cymru yn ystod pandemig covid-19 y dylid eu harchwilio ymhellach: Modiwl 1 Ymchwiliad covid-19 y DU’, a osodwyd yn y Swyddfa Gyflwyno ar 25 Mawrth 2025.
