Cynulliad Cenedlaethol Cymru

Cynnig bod y Senedd:

1. Yn gwerthfawrogi ac yn gweld gwerth yn y gofal lliniarol a diwedd oes a ddarperir ar draws GIG a hosbisau Cymru.

2. Yn cydnabod y rôl hanfodol a chwaraeir gan hosbisau yng Nghymru wrth ddarparu gofal lliniarol arbenigol a gofal diwedd oes.

3. Yn nodi'r pwysau ariannol sylweddol sy'n wynebu hosbisau yng Nghymru a'r alwad gan Hospice UK a Hospices Cymru am gyllid ychwanegol i ddiogelu gwasanaethau hosbisau.

4. Yn galw ar Lywodraeth Cymru i:

a) datblygu cynllun hirdymor i wella gofal lliniarol a gofal diwedd oes ledled Cymru, gan sicrhau bod gwasanaethau o ansawdd uchel ar gael i bawb sydd eu hangen;

b) nodi sut y bydd yn darparu cyllid teg a chynaliadwy ar gyfer hosbisau ledled Cymru; ac

c) sicrhau bod gan GIG Cymru a hosbisau yng Nghymru y gweithlu sydd ei angen arnynt i ddarparu gofal lliniarol a gofal diwedd oes diogel, o ansawdd uchel a chynaliadwy.