NDM9112 - Cynnig ar gyfer dadl gan Wrthblaid
Wedi’i gyflwyno ar 14/01/2026 | I'w drafod ar 21/01/2026Cynnig bod y Senedd:
1. Yn cydnabod y gwaith eithriadol y mae'r sector hosbis a gofal lliniarol yn ei wneud wrth ddarparu gofal a chymorth diwedd oes o ansawdd uchel i deuluoedd.
2. Yn cydnabod y pwysau ariannol digynsail ar hosbisau yng Nghymru o ganlyniad i gynnydd mewn Yswiriant Gwladol Cyflogwyr, prinder gweithlu, a'r galw cynyddol am eu gwasanaethau.
3. Yn gresynu bod arolwg diweddar o hosbisau yng Nghymru a gynhaliwyd gan Hospice UK wedi canfod:
a) bod 30 y cant eisoes yn lleihau gwelyau neu'n torri gwasanaethau;
b) bod dros 70 y cant sydd ag unedau cleifion mewnol yn disgwyl i o leiaf un gwely gau dros dro neu'n barhaol; ac
c) bod tri chwarter yr hosbisau yn ofni y byddant yn cael eu gorfodi i dynnu nôl y cymorth y maen nhw'n ei ddarparu ar hyn o bryd i ysbytai a chartrefi gofal.
4. Yn galw ar Lywodraeth Cymru i ddatblygu model ariannu cynaliadwy newydd ar gyfer hosbisau yng Nghymru, gan gynnwys £40 miliwn yn ychwanegol dros dymor y Senedd nesaf.
Welsh palliative and end of life care services at risk due to broken funding model, Hospice UK (Saesneg yn unig)
Cyflwynwyd gan
Gwelliannau
Dileu popeth ar ôl pwynt 2 a rhoi yn ei le:
Yn cydnabod canfyddiadau arolwg Hospice UK.
Yn croesawu:
a) y cynnydd o £21 miliwn i gyllid hosbisau gan Lywodraeth Cymru dros dymor y Senedd hon; a
b) y gwaith sydd ar y gweill rhwng Llywodraeth Cymru a'r sector hosbisau i ddatblygu model cyllido cynaliadwy.
