NDM8923 - Cynnig ar gyfer dadl gan Wrthblaid
Wedi’i gyflwyno ar 04/06/2025 | I'w drafod ar 11/06/2025Cynnig bod y Senedd:
1. Yn nodi y bydd Llywodriaeth y DU yn cyhoeddi casgliadau ei hadolygiad o wariant ar 11 Mehefin.
2. Yn gresynu bod penderfyniadau a wnaed gan Lywodraeth Lafur y DU dros y flwyddyn ddiwethaf wedi cael effaith anghymesur ar Gymru.
3. Yn galw ar Lywodraeth Cymru i bwyso ar Lywodraeth y DU i gyflwyno bil tegwch economaidd sydd:
a) yn sicrhau cyllid teg i Gymru;
b) yn datganoli pwerau i greu bandiau treth incwm newydd; ac
c) yn cynyddu terfynau tynnu i lawr a phwerau benthyca yn unol â chwyddiant.
4. Yn galw ar Lywodraeth y DU i:
a) mynd i’r afael â’r tanfuddsoddiad hanesyddol yn seilwaith rheilffyrdd Cymru, ymrwymo i’r £4 billwn o gyllid canlyniadol HS2 a datganoli pwerau a chyllid dros seilwaith rheilffyrdd i Gymru;
b) adfer y taliad tanwydd gaeaf fel darpariaeth gyffredinol a chael gwared ar y cap budd-daliadau dau blentyn yn ddi-oed;
c) ad-dalu Llywodraeth Cymru yn llawn am effaith codiadau yswiriant gwladol cyflogwyr; a
d) cyflwyno treth ar gyfoeth, gan sicrhau bod y baich ar yr unigolion a’r corfforaethau sy'n gallu ysgwyddo cyfran decach o’r dreth gyffredinol a delir.
Cyflwynwyd gan
Gwelliannau
Dileu popeth ar ôl pwynt 1 a rhoi yn ei le:
Yn nodi y bydd Llywodraeth Cymru yn ymateb i Adolygiad Gwariant Llywodraeth y DU, gan nodi'r goblygiadau i Gymru, ar ôl iddi ddadansoddi'r goblygiadau hynny, yn dilyn cyhoeddiadau ar 11 Mehefin.
Cyflwynwyd gan
Dileu popeth ar ôl pwynt 2 a rhoi yn ei le:
Yn galw ar Lywodraeth Cymru i:
a) cefnogi cyflwyno lwfans Tanwydd Gaeaf Cymru;
b) gwario codiad llawn Barnett ar gyfer iechyd, ar iechyd;
c) pwyso ar Lywodraeth y DU i wrthdroi'r cynnydd yng nghyfraniadau yswiriant gwladol cyflogwyr;
d) pwyso ymhellach ar Lywodraeth y DU i ddiddymu'r dreth ffermydd teuluol; ac
e) cadarnhau y bydd symiau canlyniadol sy'n deillio o wariant HS2 yn cael eu gwario ar brosiectau Cymru yn unig.
