NDM8652 - Cynnig ar gyfer dadl gan Wrthblaid
Wedi’i gyflwyno ar 11/09/2024 | I'w drafod ar 18/09/2024Cynnig bod y Senedd:
1. Yn nodi bod y Prif Weinidog a'i rhagflaenwyr wedi blaenoriaethu torri rhestrau aros yn y GIG.
2. Yn gresynu bod:
a) ystadegau perfformiad diweddaraf y GIG yn dangos bod rhestrau aros yng Nghymru ar eu lefel uchaf erioed; a
b) penderfyniad Llywodraeth Lafur y DU i gofleidio polisïau llymder fel torri nôl ar y taliad tanwydd gaeaf yn dwysau'r pwysau ar y GIG.
3. Yn galw ar Lywodraeth Cymru i adolygu ar frys ei chynllun i leihau rhestrau aros ac anrhydeddu ymrwymiad Prif Weinidogion y gorffennol a'r Prif Weinidog presennol.
Cyflwynwyd gan
Gwelliannau
Dileu pwynt 2b) a rhoi yn ei le:
bydd penderfyniadau gwariant fel torri taliadau tanwydd gaeaf i bensiynwyr yn arwain at effaith andwyol ar GIG Cymru;
Cyflwynwyd gan
Ychwanegu is-bwynt newydd ar ddiwedd pwynt 2:
ar dri achlysur, mae Llywodraeth Cymru wedi torri'r gyllideb iechyd mewn termau real: yr unig lywodraeth yn y Deyrnas Unedig i wneud hynny erioed;
Cyflwynwyd gan
Ychwanegu pwynt newydd ar ddiwedd y cynnig:
Yn galw ar Lywodraeth Cymru i sicrhau bod yr holl gynnydd o 20 y cant mewn cyllid canlyniadol Barnett ar gyfer iechyd yn cael ei wario ar GIG Cymru.
Cyflwynwyd gan
Dileu popeth a rhoi yn ei le:
Cynnig bod y Senedd:
1) Yn nodi:
a) bod y Prif Weinidog a'i rhagflaenwyr wedi blaenoriaethu torri rhestrau aros yn y GIG; a
b) bod nifer y bobl sy'n aros mwy na dwy flynedd am driniaeth wedi lleihau 67% ers yr uchafbwynt ym mis Mawrth 2022.
