NNDM8442 - Dadl Aelodau
Wedi’i gyflwyno ar 02/01/2024Cynnig bod y Senedd:
1. Yn cydnabod y dystiolaeth gynyddol bod yr argyfwng chwyddiant wedi cael ei ddefnyddio i guddio'r gorelwa a wneir gan fusnesau mawr mewn sectorau hanfodol gan gynnwys ynni, yswiriant a nwyddau groser.
2. Yn nodi:
a) bod busnesau mwyaf y DU wedi adrodd cynnydd o 89 y cant mewn elw ers y pandemig, tra mae gweithwyr wedi dioddef y cwymp mwyaf yn eu hincwm gwario ers yr ail ryfel byd; a
b) bod yr FCA wedi adolygu 11 o gwmnïau yswiriant yn ddiweddar a chanfod bod premiymau yn codi, gan gynnwys cynnydd o 29 y cant mewn yswiriant car.
3. Yn galw ar Lywodraeth Cymru i:
a) cynnal asesiad o effaith gorelwa ar drigolion yng Nghymru; a
b) cwrdd â chymheiriaid yn y DU a'u hannog i gymryd camau ar unwaith i fynd i'r afael â gorelwa.