Cynulliad Cenedlaethol Cymru

Cynnig bod y Senedd:

1. Yn nodi cynnig ar gyfer Bil i orfodi gwaith cynnal a chadw cyrsiau dŵr, ffosydd, ceuffosydd, a draeniau ar dir preifat a chyhoeddus.

2. Yn nodi mai diben y Bil fyddai:

a) mynd i'r afael â'r perygl cynyddol o lifogydd oherwydd yr argyfwng hinsawdd;

b) gwella gwybodaeth y cyhoedd am gyfrifoldeb ynghylch atal llifogydd; 

c) sicrhau bod tirfeddianwyr yn ymwybodol o'u cyfrifoldeb i gynnal ffosydd, ceuffosydd a draeniau, a rhoi eglurder ynghylch pa gorff cyhoeddus sy'n gyfrifol am orfodi;

d) gwella ymwybyddiaeth o reoli tir yn briodol ar gyfer dal dŵr;

e) cyflwyno camau mapio draeniau, ceuffosydd a ffosydd i helpu grwpiau llifogydd cymunedol i wybod pa awdurdod neu dirfeddiannwr sy'n gyfrifol am orfodi neu glirio; ac 

f) hyrwyddo mentrau lleol a chenedlaethol megis rhybuddion llifogydd a grwpiau llifogydd cymunedol a hyrwyddo gwybodaeth am amddiffynfeydd llifogydd gan gynnwys bagiau tywod.