NDM7523 - Dadl y Llywodraeth
Wedi’i gyflwyno ar 11/12/2020 | I'w drafod ar 15/12/2020Cynnig bod y Senedd:
Yn nodi'r Datganiad Ysgrifenedig a gyhoeddwyd gan y Prif Weinidog ar 11 Rhagfyr 2020 ynghylch lefelau newydd o gyfyngiadau i ymateb i bandemig y coronafeirws yng Nghymru.
Datganiad Ysgrifenedig: Diweddaru’r cynllun rheoli COVID-19 yng Nghymru - 11 Rhagfyr 2020
Cyflwynwyd gan
Gwelliannau
Ychwanegu pwynt newydd ar ddiwedd y cynnig:
Yn nodi bod adroddiadau yn y wasg yn datgan bod Dr Angela Raffle, sy’n uwch ddarlithydd mewn gwyddor poblogaeth ym Mhrifysgol Bryste, wedi dweud bod profi torfol ar gyfer COVID-19 yn eithriadol o ddwys o ran adnoddau ac y gallai parhau â hyn yng Nghymru fod yn wastraff adnoddau ar raddfa enfawr.
BBC News - Covid-19 in Wales: Mass testing a 'waste of resources' - 13 Rhagfyr 2020
Cyflwynwyd gan
Ychwanegu’r canlynol fel pwynt newydd ar ddiwedd y cynnig:
Yn nodi:
a) adroddiadau’r wasg ym mis Mawrth 2020 yn datgan y dywedodd Prif Weinidog y DU, o ran lledaeniad COVID-19 yn y DU, os gallwn droi’r llanw o fewn y 12 wythnos nesaf, ei fod yn gwbl hyderus y gallwn anfon y coronafeirws ar ei ffordd o’r wlad hon;
b) nad yw Llywodraeth Cymru wedi rhoi digon o sylw i’r sylwadau hyn a’i bod, yn hytrach, wedi dewis defnyddio’r amgylchiadau presennol i hyrwyddo polisïau tymor hir sydd:
i) yn anghymesur ag unrhyw risg iechyd wrthrychol;
ii) nad ydynt yn atal ac yn unioni’r niwed anferth i ryddid dinesig a’r economi a achosir gan ymatebion llywodraethol i COVID-19.
Reuters - UK can turn the tide against virus in next 12 weeks: PM Johnson - 19 Mawrth 2020
Cyflwynwyd gan
Ychwanegu pwynt newydd ar ddiwedd y cynnig:
Yn credu bod lefelau newydd y cyfyngiadau’n anghymesur ac yn niweidiol i fusnesau a bywoliaethau ar draws Cymru.
Cyflwynwyd gan
Cyd-gyflwynwyr
Ychwanegu pwynt newydd ar ddiwedd y cynnig:
Yn gresynu bod Llywodraeth Cymru wedi dilyn strategaeth COVID-19 wahanol i un Llywodraeth y DU.
Cyflwynwyd gan
Cyd-gyflwynwyr
Ychwanegu pwynt newydd ar ddiwedd y cynnig:
Yn credu mai’r strategaeth COVID-19 fwyaf llwyddiannus yw cael, yng Nghymru, ymateb unedig ar ran y DU, dan arweiniad Llywodraeth y DU.
Cyflwynwyd gan
Cyd-gyflwynwyr
Ychwanegu pwynt newydd ar ddiwedd y cynnig:
Yn croesawu'r cyhoeddiad am lefelau rhybudd newydd yng Nghymru sy'n caniatáu ar gyfer rhoi cyfyngiadau ar waith ar lefel ranbarthol a lleol mewn ymateb i'r dystiolaeth wyddonol a'r gwahaniaethau o ran lefelau heintio coronafeirws mewn gwahanol rannau o'r wlad.
Cyflwynwyd gan
Ychwanegu pwynt newydd ar ddiwedd y cynnig:
Yn galw am sicrhau bod cyfyngiadau a chymorth ynysu yn adlewyrchu, cymaint â phosibl, y gwahanol lefelau parhaus o haint mewn gwahanol ranbarthau yng Nghymru.
Cyflwynwyd gan
Ychwanegu pwynt newydd ar ddiwedd y cynnig:
Yn credu y dylai Cymru fodelu manteision rhaglen brofi dorfol fel y cafwyd yn Slofacia ac ystyried ei rhoi ar waith.
Cyflwynwyd gan
Ychwanegu pwynt newydd ar ddiwedd y cynnig:
Yn galw ar Lywodraeth Cymru i ddatblygu cynlluniau manwl ar gyfer ailagor sectorau allweddol yn ddiogel fel lleoliadau lletygarwch, diwylliant a chwaraeon yn seiliedig ar ymgysylltu uniongyrchol rhwng cynrychiolwyr y sector a chynghorwyr gwyddonol Llywodraeth Cymru.