NDM7414 - Dadl y Llywodraeth
Wedi’i gyflwyno ar 29/09/2020 | I'w drafod ar 06/10/2020Cynnig bod y Senedd:
1. Yn cefnogi yn llwyr
a) y frwydr fyd-eang i gael gwared â hiliaeth ac ideoleg hiliol ac ymdrechu tuag at Gymru sy’n fwy cyfartal, gan fynd i’r afael ag anghydraddoldeb hiliol systemig a strwythurol; a
b) egwyddorion Confensiwn Rhyngwladol y Cenhedloedd Unedig ar Ddileu Pob Math o Wahaniaethu Hiliol (CERD).
2. Yn galw am ddiweddariad gan Gomisiwn y Senedd ar ddatblygiad datganiad trawsbleidiol ar gyfer Cymru sy’n ymgorffori egwyddorion CERD.
3. Yn croesawu gwaith diwyd y Grŵp Cynghorol BAME ar COVID-19, a gydgadeirir gan y Barnwr Ray Singh a’r Dr Heather Payne, yr Is-grŵp Asesu Risg a gadeirir gan yr Athro Keshav Singhal a’r Is-grŵp Economaidd-gymdeithasol a gadeirir gan yr Athro Emmanuel Ogbonna ac yn galw am i Lywodraeth Cymru sicrhau bod argymhellion Adroddiad yr Athro Ogbonna yn cael eu gweithredu’n llawn ac ar gyflymder.
4. Yn cydnabod yr angen am Gynllun Gweithredu Cydraddoldeb Hiliol ar gyfer Cymru i fynd i’r afael ag anghydraddoldeb strwythurol a systemig, ac i hybu cyfleoedd i bobl dduon ac Asiaidd a lleiafrifoedd ethnig yng Nghymru.
Y Confensiwn Rhyngwladol ar Ddiddymu Pob Math o Wahaniaethu Hiliol (Saesneg yn unig)
Grŵp Cynghorol BAME y Prif Weinidog ar COVID-19: Adroddiad yr Is-grŵp Economaidd-gymdeithasol
Cyflwynwyd gan
Cyd-gyflwynwyr
Gwelliannau
Dileu pwynt 4 ac ailrifo yn unol â hynny:
Yn cydnabod yr angen i ddiweddaru'r asesiadau o'r effaith ar gydraddoldeb er mwyn canolbwyntio ar y cynllun gweithredu cydraddoldeb hiliol a hyrwyddo unwaith eto gronfa fwy amrywiol o bobl sy'n gwneud penderfyniadau sy'n cynrychioli pobl dduon, Asiaidd a lleiafrifoedd ethnig yng Nghymru.
Cyflwynwyd gan
Ychwanegu pwynt newydd ar ddiwedd y cynnig:
Yn galw am adolygiad ynghylch gweithredu argymhellion adolygiad Lammy yng ngharchardai Cymru a'r system cyfiawnder troseddol yng Nghymru.
Cyflwynwyd gan
Ychwanegu pwynt newydd ar ddiwedd y cynnig:
Yn galw ar Lywodraeth Cymru i annog Llywodraeth y DU i ychwanegu modiwl ar hil a dosbarth at ymchwiliad Tŵr Grenfell.
Cyflwynwyd gan
Ychwanegu pwynt newydd ar ddiwedd y cynnig:
Yn nodi'r gwahaniaethu hiliol a brofir gan y rhai yng Nghymru yr effeithiodd sgandal y Windrush arnynt ac yn galw ar Lywodraeth y DU i gyflymu iawndal i'r bobl hyn.
Cyflwynwyd gan
Dileu popeth a rhoi yn ei le:
Cynnig bod y Senedd:
1. Yn nodi ac yn croesawu'r ffaith bod cysylltiadau hiliol yng Nghymru a'r Deyrnas Unedig wedi gwella'n sylweddol dros y pum degawd diwethaf.
2. Yn gwrthod yn llwyr unrhyw awgrym bod pobl Cymru yn hiliol.
3. Yn gwrthod yn llwyr fod anghydraddoldeb hiliol systemig a strwythurol yng Nghymru a'r Deyrnas Unedig.
4. Yn credu bod grwpiau gwrth-hiliol â chymhelliant gwleidyddol, megis Mae Bywydau Du o Bwys, a grwpiau cynghori BAME sydd ag aelodaeth sy'n bennaf yn adain chwith a hunan-ddetholedig, yn dinistrio cysylltiadau hiliol da yn y Deyrnas Unedig a Chymru.