Cynulliad Cenedlaethol Cymru

Cynnig bod Cynulliad Cenedlaethol Cymru:

1. Yn nodi cynnig ar gyfer Bil i sefydlu fframwaith moesegol ar gyfer adeiladu tai preswyl newydd yng Nghymru.

2. Yn nodi mai diben y Bil fyddai:

a) diddymu'r gwaith o adeiladu tai preswyl ar brydles yng Nghymru a thrwy hynny ddileu'r annhegwch a'r ansicrwydd ariannol sy'n rhan gynhenid o'r contractau hyn;

b) diddymu'r arfer o osod cymalau ffioedd rheoli mewn contractau rhydd-ddaliadol yng Nghymru a thrwy hynny ddileu'r annhegwch a'r ansicrwydd ariannol sy'n rhan gynhenid o'r contractau hyn;

c) cyflwyno 'opsiwn diofyn', sy'n ei gwneud yn ofynnol i ddatblygwyr osod gwasanaethau (gan gynnwys band eang) i'r fanyleb uchaf sydd ar gael ym mhob eiddo newydd a adeiledir yng Nghymru;

d) gosod gofyniad ar ddatblygwyr i sicrhau bod cynefin bywyd gwyllt a bywyd gwyllt ar 'dir wedi'i gronni' yng Nghymru yn cael ei ddiogelu;

e) cyflwyno ardoll ar ddatblygwyr yng Nghymru i gyfrannu at 'gronfa gymunedol' er mwyn sicrhau bod y broses apeliadau cynllunio yn decach.